Popular Bible Verses from YOHANES 19

Share

Yesusam era anggur bwi andapore. Ararawa, “Dere Allah asakamtamen atakam etefaafetiikoromey.” Emes atakam aesime. Armat Ipit arawa, jimas ajiretepe, wanam dambir aeme.

Emesare. Yesus, Allah asakamtame atakam takes, afaafetiikorome apore. Ararawa, “De bwito!” Emes atakam aesime. Era pak Alkitab atakam jipu.

Yesus, era daytinak afaimaarir abajamkai ipit taka, arsoot setep aememe apore. Ararawa, “Ao! Baporey! Ara ipit wondep baememto.” Emes atakam aesime. Yesus arawa, atakam era bajamkai ipit akorome. “Baporey! Ara taot worsoot baemapto.” Emes atakam aesime. Emesare, era bare ajiire, era bajamkai ipit Yesus arsoot atame atoomjiie.

Are Yesuspu ambaremes. Me, are Yesus dambir tair apores, wanam are akamtan bapakamtopom apok. Me wan tentara ipit taka ere, wurini Yesus wusirmi ambititopome. Ambititopomerawa, eseeam, bwiam, ametebawumomjisemis.

Emesare, Alkitabam, “Are adamo emak bapakamtopom apoknak, aemtemas.” Wanam, “Are wurini ambititopomtas ipit aportemas.” Alkitab emes atakam akorem. Era owe aemes pakam Alkitab atakam jipu taka.

Yesusam era salib wus sep ataetiie, wanam asan juas “Dambir Owe Kuus Embak Asan” atoomtine. Ibrani atakam arawa, era asan juas “Golgota.”

Tentara oweam fa aptam sinim ataeres, wanam kuus bajiimapom pi asiapomes. Ararawa, era pi Yesus kuus ajiimapomes. Are esakam baju jirao Yesus ajiimemomes.