Popular Bible Verses from YOHANES 15

Share

Dere wus anakot tamen. Tararawa, wus efe tamen. Owe takan Dera ajamemapaartanis, wanam Dere era owe takan ajamemapaartey, era owe, eek pii tanane ambwetemas. Tanom takan Dera bajamemap apok aemtakam, tare pak baemeem asan apoknak.

Tanom takan Dera ajamjapaarani. Derarawa, ta takan ajamemapaartemin. Wus efe, wus anakot bamatap apok aemapaarto, are eek baemepeomtep asan apok. Tanom takan Dera bajamemapaar apok aemtakam, tare eek baemepeomtep asan apok.

Tare takan Dera ajamemapaartankum, wanam tare deatakam ji aetakam, ere era akot aportakam pak atakam Allah ajanimay. Armat Ipit arawa, era pak tara aemtamteman.

Tare, Dera baeremtaer apok. Me, Dere tara aereremartaatetero. Denom tare eek tanane bape ambirimemomtetero. Era apetakam eek, bakari apok eek. Emesare, tare atakam Deritipit ajanimtakam, Armat Ipit era ajanimtakam pak takes atetamteman.

Jipit taka, ajoo owe bajortaer, emes dambir aemto, are era owe daytinak afaimum. Emes baem, ere bafaim daytinak. Me wan bafaim, ere kope.

Me Dera ajamkaimanis owe, wus efe tamen. Deritipit, era wus efe, eek bapeomtep apok aporto, Are asesakamosomum. Are era wus efe, eek bapeomtep aporto, Are era koser wus efe takes asesakamosomum. Ere daytu wus efe, eek tanane bapeomtep are.

Denom, atakam tara asakamtammin. Tare tarmamon ajamfaimamay. Ere Dere tara afaimemin emes tamen ajamfaimamay.

Tare eek tanane apetakam, Deritipit atemtemtemakam. Ere, tare Dera bajamkainak owe aporomtamtemakam.

“Dere eek akot apeomtepemar wus tamen awar. Deritipit arawa, era kebun karai ipit tamen.

Owe takan Dera bajamemapaar apok aemtanis, are pota wus efe tamen. Oweam era wus efe asesakamosomemas. Era wus eferawa, sa asam. Oweam era wus efe ajarisisimemas, wanam jis asapimapomemas. Era wus eferawa, jis amboameskurumum.

Dere jak akot tara batetamteter, ere akot. Tanom jak akotnak baemem, akot. Erarawa, Dere ara atakam tara akorommin.

Dere Deritipit atakam ji aeaaremin. Erarawa Deritipit Dera afaimaareman. Tanom debasakamtam atakam ji aeaartakam, Denom tara afaimaartemin.

Emesare, tanom tarmamon ajamfaimamay. Dere emes atakam tara asakamtammin.”

Ara aemansa tapirmi owe, armamon ajamfaimamemas. Tare ara aemansa tapirmi pak ajamkaiekem ere, ara oweam tara afaimen. Me, tare ara aemansa tapirmi pak bajamkai apok. Erarawa ara owe bifane tara afeomemman. Me, Dere tare ara aemansa tapirmi pak beken bajios aereremartaatetero.