Popular Bible Verses from YOHANES 12

Share

Owe karai Dera baetam akot ajitas, are Dera bajamkaitanis. Erarawa era owe, aememtey asan, Dere takan aememmarom. Deritipitam dekarai baetam owe, owe atemtemtem.”

Asamot oweam jatiaptam baememaar pak apa bataet bimak binip daytu atetaramtas, are jiinenak apok aememtemas. Me, owe ara aemansa tapirmi jatiaptam baememaar pak apa bataet bimak binip apok aemtas, are jiinenak aemapaartemas.

Atakamnak, owe gandum eek se bomon ajapomemas. Era eek, bajit apok aemapem. Era eek emes baem aemto, are taka taka eek takakope aemapaarem. Me, era eek bajit aemapto, are akene ajitem. Wanam eek tanane apeem.

Dere sare anakot. Dere ara aemansa tapirmi andaeo, ere Dera ambesemmanis owe jiiti bomon boemap-ombar.

Wan owe deatakam jane ajimas, wanam are deatakam ji bae apok aemmas. Dere ere, owe adosa atakam basakamtii apok. Dere asamot dosa, atakam basakamtii bandae apok. Dere ere, asamot owe bajortaer andaeo.

Mariaam, pinim akot pak anakot juas narwastu, setengah kilogram apaye, atoomjiie. Era minyak harga daytinak. Emesare, Maria ere minyak Yesus bai beak ten akukume, wanam akuum fini era bai ajiime. Me minyak pinimam era tame bomon daytinak aemtepe.

Era owerawa, jisini enese tamen pak atoomemteteres, wanam Yesus bimnuk baemamtaer aesoses. Are atakam afaketaera ajaies. “Allah, tere aeomamo! Tuhan asan akot ataendaemmar Ipit baemto! Armat Ipit Israel owe Baomep Ipit arare. Owe ara basitimtas!” Emes atakam aesima ajaies.

Yesusam atakam era owe akorome. “Asamot Anakot Ajaoreme Ipit batemtem bare, ere setep.