Popular Bible Verses from YOHANES 17

Share

Muknino sin bi Ho amneot, fun Ho a'am nane amneot kun.

Lasi honis nabal-bal esle' i, he nati' sin nahin Ko, Uisneno amneot lo mese, ma nahin Yesus Kesel Afetin le Hom sonu.

Ma Au onen totis ka al fa neu sin, mes neu ale atoni le sin anpalsai neu Kau natuin sin saksit. He nati' sin alsin anfani mese onle Ho, koi Ama, anbi Kau ma Au bi Ko, he nati' sin amsa anbi Hit. Oke te pah pinan anpalsai nak Ho es amsonu Kau.

Au ka totif he nati' Ho mait sin na'ko pah pinan mes he nati' Ho mumafo sin na'ko amle'ut in tuaf.

Ma Au fen sin apinat le Hom fe Kau, he nati' sin anfani mese, onle Hit amsa mese. Au bi sin ma Hom bi Kau, he nati' sin nanokbok anfani mese, he pah pinan nahin, nak Ho es ansonu Kau ma Hom nek sin onle Hom nek Kau.