Popular Bible Verses from MARKUS 10

Share

Angke Anak Ni Jolma i pe, nada na giot dioloi Ia umbaen na ro. Tapi na giot mangoloi do, dohot mangalehen hosaNia gabe dalan laho paluahon bahat halak.”

Jadi dipanotnoti Jesus ma halahi sude, dialusi Ia ma, “Anggo di jolma do, inda tarbaen i. Tapi anggo di Debata tarbaen do i. Angke nada adong sanga aha pe na so tarbaen Debata.”

“Kehe ma ho,” ninna Jesus. “Madung dipamalum haporsayaanmi ho.” Manigor marnida ma bayo i. Lalu diihutkon ia ma Jesus di dalan i.

Hara ni i ma umbaen na so tola sirangon ni jolma halak na dung dipadomu ni Debata!”

Dipanotnoti Jesus ma bayo i hara ni holong ni rohaNia midasa. Didok Ia ma, “Hum sada nari noma pangalaho na porlu di ho. Kehe ma ho manggadis sude sinadonganmu. Lehen ma hepengna i tu angka halak na pogos, dung i gabe adong ma dapot ho arta na di banua ginjang. Dung i ro ma ho mangihutkon Au!”

“Aha do lakna dipangido rohamu baenonKu tu ho?” ninna Jesus manyapai ia. Dialusi bayo na mapitung i ma, “Marnida ma nian au, Guru!”

Tapi anggo hamu, nada tola songon i! Sanga ise na giot godang sian hamu, angkon gabe pangoloimunu ma ia.

Tutu do na Hudok on! Sanga ise na so manjagit Harajaan Ni Debata songon panjagit ni sada dakdanak, inda tarbaen halahi gabe anggota ni Harajaan Ni Debata i.”

Tapi bahat do halak na parjolo saonnari gabe parpudi, jana bahat do na parpudi saonnari gabe parjolo.”

“Tapi anggo di mulana di na manompa jolma Debata didok do, ‘Halaklahi dohot dadaboru do halahi dibaen Debata. Hara ni i ma umbaen na nitinggalkon ni halaklahi amangna dohot inangna, kehe ma ia marsada dohot dadaborunia i, anso gabe sada na dua i.’ Antong inda dua be halahi. Tapi sada noma.