Popular Bible Verses from LUKAS 6

Share

Lehen hamu ma tu halak na asing, anso laing dilehen Debata muse tu hamu; jagiton ni tanganmunu ma silehen-lehen maruse-use na dung nisuhat di hamu. Angke parsuhatan na nipakemunu tu halak na asing, laing i do parsuhatan na nipake tu hamu.”

Sada halak na denggan sai pangalaho na denggan do ro sian i, i ma simpan-simpanan na adong di bagasan ate-ate na denggan. Tapi sada halak na jahat sai pangalaho na jat do ruar sian i, i ma simpan-simpanan na di bagasan ate-ate na jat i. Angke sanga aha na manggohi roha ni jolma di bagasan ate-atena, sai i do dipardokkoni.”

Anggo sapatutna nada songon i! Anggo hamu angkon suhar-suhar ni i do. Angkon haholonganmunu do musumunu jana baen hamu ma na denggan tu halahi. Angkon lehenonmunu do manginjam jana ulang pola arop rohamunu dapotan garar mangulahi. Godang do dapot hamu upa ni i jana gabe anak ni Debata Na Gumincat i ma hamu. Angke anggo Debata, denggan do dibaen Ia maradopkon angka na so malo mandok tarimakasi, songon i muse laing denggan do dibaen Debata maradopkon halak na jahat.

Gabe parasi roha ma hamu, laing songon Amangmunu na marasi roha i!”

“Ulang ma hamu manguhumi, anso ulang diuhumi Debata hamu muse. Ulang ma pasalahon halak, anso ulang dipasala hamu: Sesa ma, anso disesa hamu.

“Tapi anggo tu hamu angka na umbege hatangKu saonnari on, on ma tonangKu tu hamu: Haholongi ma angka musumu, jana denggan ma pangalahomu tu angka na mangkagigihon ho. Pasupasu ma na mamurai ho. Jana tangiangkon ma angka na mambaen na so patut tu ho.

Sanga aha por ni rohamu baenon ni halak tu ho, baen ma songon i tu halahi.”

Muda ditampeleng halak sabariba hurummi, padiar muse ma ditampeleng ia hurummu na sabariba nari. Muda dirampas abitmu, lehen muse ma dohot bajumi. Muda dipangido halak sanga aha tu ho, lehen ma i disia; muda dirampas sinadonganmu, ulang pola pangido be i mulak.

“Anggo hayu na denggan nada diparbatuhon i parbatu na so hasaya. Songon i muse hayu na jatjat nada diparbatuhon i parbatu na denggan.

Sude hayu, sian parbatuna do nitanda. Nada diputik halak gala-gala sian tadatada sanga pe anggur sian sihupi.