Popular Bible Verses from LUKAS 19

Share

Angke na giot manjalahi dohot paluahon angka halak na lilu do umbaen na ro Anak Ni Jolma i.”

Jana didokkon halahi ma, “Dipasupasu ma Raja i na ro markite-hite goar ni Tuhan! Hasonangan ma di banua ginjang jana hamuliaon ma di inganan na gumincat i!”

Didok Jesus ma tusia, “Mamungka sadari on dapotan haluaon do pangisi ni bagas on, harana pinompar ni si Abraham do ia.

Dung lalu Jesus disi, ditailihon Ia ma tu ginjang jana didok Ia ma tu si Zakeus, “O Zakeus, pasigop ma mijur! Angke giot ro do Au tu bagasmu sadari on.” Diompoti si Zakeus ma mijur, jop ma rohania manjagit Jesus.

Jongjong ma si Zakeus didok ia ma tu Tuhan i, “O Tuhan, satonga sian artangku hulehen ma tu halak na pogos; jana sanga ise na unjung hutipu, hugarar pe mangulahi tusia opat noli lompit!”

Dung i adong ma halak Parise sian tonga-tonga ni halak na bahat i, didok halahi ma tu Jesus, “O Guru, pasip ma da angka siseanMi.” Tapi dialusi Jesus ma tu halahi, “Hudok ma di hamu, muda sip halahi, marsurahi ma angka batu on.”