Popular Bible Verses from LUKAS 17

Share

Dung i didok Jesus ma tu bayo i, “Jongjong ma ho, jana mulak ma ho. Haporsayaanmu do na palua ho.”

Muda pitu noli ia mardosa tu ho di bagasan sadari jana ganop noli ia ro tu ho mandok, ‘Mangido maap ma au,’ ampuni ma ia.”

Dung diida sada halak sian halahi na dung malum ia, mulak ma ia, dipuji-puji ia ma Debata marsora na gogo. Dung lalu di jolo ni Jesus, marsomba ma ia mandok tarimakasi tuSia. Halak Samaria do bayo i.

Manat ma hamu! Muda mardosa donganmu, paingot ia antong. Muda manyosal do ia hara ni na dung mardosa ia, ampuni ma.

Dung i didok Jesus ma, “Nada he sampulu halak do na nipamalum i? Ma di dia na sambilan halak nari?

Dialusi Tuhan i ma, “Muda adong haporsayaanmunu sagodang ni batu ni sabi, tardok hamu ma tu bona ni gala-gala on, ‘Mumpat ma ho jana di laut ma panyuananmu,’ musti angkon mangoloi hayu i tu parentamunu.”

Barang ise na manjagohon hosana, na mangago hosana do i; tapi barang ise na magoan di hosana, i do na pangoluhonsa.

Didok Jesus ma tu angka siseanNia i, “Angkon sai adong do angka pangalaho na mambaen jolma gabe mardosa. Tapi marjaya ma na mambaen pangalaho sisongon i! Na dumenggan do nitambatkon losung batu tu rungkungna, anso diambungkon tu bagasan laut. Dumenggan ma songon i ulang pado dibaen ia gabe mardosa sahalak sian angka jolma na menek on.

Jana songon pangalaho na masa di hatiha ni si Noak narobi, laing songon i muse ma pangalahona saulahon di hatiha ni Anak Ni Jolma i. Na mangan minum do halahi, marbagas dohot na pabagaskon lopus di ari hamamasuk ni si Noak tu bagasan parau i; dung i ro ma aek na oto mangagohon halahi sudena.