Popular Bible Verses from JOHANNES 16

Share

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

Tapi muda dung ro Tondi ni hasintongan i pabotohonNia ma hatutuan salaho tu Debata, Ia ma na manguluhon hamu laho mananda sude hatutuan. Nada dohononNia sanga aha sian roha-rohaNia sandiri; hum taringot tu na nibegeNia do hatahononNia. Jana paboaonNia ma tu hamu sanga angka aha na giot masa tu pudian ni ari.

Lopus tu hatiha on na so unjung dope dipangido hamu sanga na aha markite-hite goarKu. Torus ma pangido hamu, gabe manjagit ma hamu, anso sanggam jop ni rohamunu.”

Torus torang ma Hupaboa tu hamu: Maruntungan do hamu muda kehe Au; harana anggo so kehe Au, nada tulus ro Pangurupi i tu hamu. Tapi muda kehe Au, suruhononKu ma Ia ro tu hamu. Jana muda dung ro Ia, pabotohononNia ma tu portibi on arti ni dosa na satutuna, arti ni hatigoran dohot arti ni panguhuman.

Laing songon i ma hamu: Susa ma rohamunu saonnari, tapi marsuo dope Au dohot hamu, gabe jop ma rohamunu; jana nada tarbuat sanga ise hajopjop ni roha i sian hamu. Anggo di ari i, nada sapaanmunu be sanga aha tu Au. Tutu do na Hudok on tu hamu; sanga aha na nipangidomunu sian Ama i markite-hite goarKu lehenon ni Damang ma i di hamu.

Hudok ma tu hamu: Satutuna martangisan ma hamu jana mangandungi; tapi jop ma roha ni portibi on. Susa ma rohamunu tapi gabe muba ma hasusaanmunu i gabe hajojop ni roha.