Popular Bible Verses from PAMUNGKAAN 39

Share

Didongani TUHAN do si Josep, gabe sai manjadi do sude karejonia. Di bagas ni tuannia i do ia tinggal, i ma halak Mesir i.

Sandok sinadongannia, dipasahat ia ma tu si Josep mangatursa. Jana nada dipaboto-boto si Potifar be urusan ni bagasnia i, asing sian panganon na nipangannia i sandiri. Na ginjang na godang jana na tongam do anggo si Josep.

Dibaen ia ma si Josep gabe kapala ni angka tahanan na asing i, jana si Josep ma hasahatan ni tanggung jawab di sude karejo na adong di bagasan hurungan i.

Jana disuru ia ma anso manigor ditangkup si Josep jana dipamasuk tu hurungan, inganan panghurungan ni angka tahanan ni raja. Jadi gabe disi ma si Josep tinggal. Tapi didongani jana dipasupasu TUHAN do si Josep, jabat gabe jop roha ni kapala ni hurungan i mida ia.

Dung adong sadia honok, mamungka ma ro roha ni ripe ni si Potifar tu si Josep, jadi dipiohon ia ma doli-doli i rap modom. Nada ra si Josep jana didok ia ma, “Santabi nyonya, madung dipasahat tuanku si Potifar sandok sinadongannia anso huurus. Nada pola adong be sipikirannia di bagasan bagas on, hara ni na dison au. Sarupa do nian kuasongku di bagas on dohot kuasonia. Nanggo adong be na asing na so nipasahatnia tu au asing sian nyonya i sandiri. Bia ma baenonku mambaen parbuatan na songon i jorngangna boti mardosa iba tu Debata?”

Sanoli da, hatiha masuk si Josep tu bagas laho mangkarejohon karejonia nada adong sahalak pe angka parhobas ni bagas i di bagasan. Jadi ditarik daboru ni si Potifar i ma juba ni si Josep jana didok ma tusia, “Tole ma da rap modom hita,” ning ia. Tapi mangarunta ma si Josep, marlojong ma ia tu ruar, hape deret ma baju jubania i di tangan ni anak boru i.