Popular Bible Verses from PAMUNGKAAN 35

Share

Jadi didok Debata ma tusia, “Au do Debata Na Gumogo. Sai gabe ma ho, marpomparan na bahat! Ruar ma sian ho angka bangso jana gabe ompung ni angka raja-raja ma ho. Luat na dung hulehen tu si Abraham, tu si Ishak, hulehen ma i di ho dohot di pomparanmu.”

Morot ma hita sian inganan on jana kehe ma hita tu Betel. Pajongjongonku ma disi sada langgatan di Debata na mangurupi au di hatiha hasusaanku jana na mandongani au sanga na tu dia pe au kehe.”

Didok Debata tusia, “Nada dohonon be si Jakob goarmu, tapi si Israel noma, songon i ma dibaen Debata goarnia si Israel.”

Jadi didok si Jakob ma tu halahi na sabagas dohot tu sude halaknia, “Ambungkon hamu ma sandok dewa na asing na adong ditiop hamu; paias hamu ma dirimunu jana pake hamu ma pakean na ias.

Sanoli didok Debata ma tu si Jakob, “Au ma da Debata na pataridahon diringKu tu ho di na lari i ho sian angkangmu si Esau. Ompoti ma kehe tu Betel. Disi ma ho maringanan jana pajongjong ma sada langgatan di Au.”

Tapi donok ma anso marujung ngolu ni si Rahel, jana di na laho tos hosania, dibaen ia ma goar ni anaknia i si Ben-Oni, tapi dibaen amangnia i ma goarna si Benyamin.