Popular Bible Verses from BAENON NI ANGKA RASUL 1

Share

Tapi jagitonmunu ma kuaso muda dung ro Tondi Parbadia tu hamu. Jana gabe saksingKu ma hamu di Jerusalem, di sude Luat Judea, di Samaria lopus tu ujung ni tano on.”

Dialusi Jesus ma, “Damang do na umboto taringot tu ari dohot hatiha ni i. Nada porlu botoonmunu i, angke kuaso ni Damang do i.

Jadi di na marlagut Ia rap dohot halahi ditonahon Ia ma tu halahi songon on, “Ulang morot hamu sian Jerusalem. Painte hamu ma disi lopus dilehen Damang sanga aha na nijanjihonNia i, i ma na dung Hupaboa hian tu hamu na salpu i. Harana anggo si Johannes, aek do dididihon ia tu hamu, tapi nada pola piga ari nari be pandidihonon ma hamu dohot Tondi Parbadia.”

Dung mate Ia, adong do opat pulu ari honokna sai marpupu dipatidahon Ia diriNia tangkas di angka rasul i paboa na tutu do Ia mangolu. Diida halahi do Ia tangkas jana dihatahon Ia do tu halahi taringot tu Harajaan Ni Debata.

Dung didok Jesus songon i, tarangkat ma Ia tu banua ginjang dipanotnoti halahi, jana diholipi ombun i ma Ia sian parnidaan ni halahi.

Dompak na manatap tu ginjang i halahi mangaligi parkehe ni Jesus, tompu ma jongjong dua halak na marbaju na bontar di lambung ni halahi. Ninna ma, “Ale hamu halak Galilea, biasi jongjong sajo hamu disi mangaligi tu langit i? Anggo Jesus na niidamunu i kehe manaek tu banua ginjang di adopanmunu, mulak do Ia mangulahi laing songon na niidamunu sinangkin.”