Popular Bible Verses from MARKUS 4

Share

Isa geubeudôh, laju geudhôt angén nyan, dan geupeugah teuma ubak danau, “Iem, seungab kheueh!” Angén pih seungab, dan danau ka teunang lagée nyang ka. Óh lheueh nyan Isa geupeugah ubak murit-murit Geuhnyan, “Pakon gata teumakot? Pakon gata hana tapeucaya ubak ulôn”?

Teuma awaknyan meutamah teumakot laju jimarit sabe keudroe-droe, “Soe kheueh nyang sibeuna jih ureuëng nyoe, sampoe angén ngon umbak pih jitaát ubak Gobnyan.”

Bak si ulikot peurahô nyan Isa teungoh geu-éh ulée Geuh geupeusadeue ateueh bantai. Murit-murit Gobnyan laju jipeugoe. Jipeugah lé awaknyan, “Bapak Gurée, peu kheueh Bapak hana neupakoe, tanyoe lam bala?”

Geupeugah lom lé Isa, “Ngieng kheueh peue nyang gata deungoe nyoe! Sineupat nyang gata peuguna keu ureuëng laén teuma geupeu guna cit lé Allah keu gata dan leubeh lé nibak nyan.

Isa geusambong lom haba Gobnyan, “Meunyoe Po teu Allah nyang mat peurintah sibagoe raja, keuadaan jih jeuet teuboh miseue lagée ureuëng nyang tabu bijéh bak ladang jih keudroe. Óh watée malam ureuëng nyan ji-éh; óh beungoh uroe jibeudôh. Dan teungoh lagée nyan bijéh-bijéh nyang ka jitabu nyan laju udeb dan rayeuk. Teuma pakriban jeuet jih bijéh-bijéh nyan jitimoh dan rayeuk, ureuëng nyan hana jiteupeu.

Sabab nyan meunyoe na punyueng, deungoe kheueh!”