Popular Bible Verses from KEUJADIAN 21

Share

TUHAN geubri beureukat ateueh Sara, lagée nyang ka peujanji.

Po teu Allah geudeungoe su Nabi Ismail, dan dilangét malaikat Allah geumeututoe ubak Hagar, kheun gobnyan, “Peue nyang gata susah, hei Hagar? Bék teumakot, Allah ka geudeungoe su aneuëk gata. Jak kheueh laju bak aneuëk gata, gata tiengkue dan gata peuseungab kheueh jihnyan. Ulôn teuma lôn peujeuet keuturonan gata saboh bansa nyang raya.”

Bak watée nyang ka geupeuteuntée lé Po teu Allah, watée Nabi Ibrahim ka tuha, mume kheueh Sara dan óh trok bak watée geupeulahé kheueh sidroe aneuëk agam

Geupeugah lé Sara, “Allah ka geupeujeuet ulôn teukém sabab harok até. Soe mantong nyang deungoe hainyoe teuma teukém ngon galak meusajan ulôn.”

Teuma po teu Allah meufeureuman ubak Nabi Ibrahim, “Bék kheueh gundah até gata keuhai namiet gata Hagar dan aneuëk jih nyan Nabi Ismail, turot kheueh peue nyang jipeugah lé Sara nyan, sabab rot Nabi Ishaq kheueh gata teuma meuteumé keuturonan nyang le lagée nyang ka Ulôn peugah ubak gata nyan.

Meunan cit keu aneuëk Hagar teuma Ulôn bri aneuëk cucoe nyang le mangat awaknyan jeuet keu saboh bansa. Sabab nyan aneuëk gata cit teuma.”