Popular Bible Verses from Máà 4

Share

Zízɛ̀ e vùò, e mɛ́ĩ́ ɓo fã̀ã̀a lɛ̀ɛ, áà gèè yíía lɛ̀ɛ, “Ì dɔ tã́ã̀ dĩĩ le. Ì tèá vĩ́ ɓoò ká.” Lɛ̀ e kɛ kília, fã̀ã̀a e tèá. Ɛ́ɛ̃́ yíía e dɔ tã́ã̀ gbaa dĩĩ le. Zízɛ̀ a gèe gbaa o lɛ̀ɛ, “Mɛ́ e kɛ lɛ́ kà tùò ké ɓe? Zò-dɔ̀à-mɔ̀ wá nɛ́ ka yí kɛ̀è?”

Kɛɛ túó e nu o là gbùò, wáà gèè o kíe nì lɛ̀ɛ, “Dé e gɔ̃́ e kéa ká, lɛ́ fã̀ã̀ wà yíí bɛ̃̀ɛ̃ ò à wè kɛ̀ ɓɛ?”

Zízɛ̀ wũ-kèlè e kɛ kpɔ̀á wũ-dɔ̀à-là-pɛ̀ là, áà yi zɛ̀ gɔ́ɔ́ɔ zízàá-pìà. Wa vùò, wáà gèè à lɛ̀ɛ, “Tísɛ̀, ko kpàà wá i mɔ̀, lɛ́ kò ga ɓɛ?”

Ɛ́ɛ̃́ a gèe zeĩ́ o lɛ̀ɛ, “Kà ka tóó dɔ wɔ̃́ kà maa mɔ̀. Zí nɔ́ kà paa ká lɛ́ kà nɔá mia lɛ̀ɛ, zí nɔ́ doóa lɛ́ kà lo à gɛ̃̀ɛ̃̀ à káa. Ɛ́ɛ̃́ bɛ̃̀ɛ̃, káà lo à gɛ̃̀ɛ̃̀ tó ka mɛ̀ĩ́ kṹ.

Zízɛ̀ a gèe kélɛ̀, “Wálà là tò-mia-là lɛ kélɛ̀ gɔ̃ lɛ́ e ɓu taa e píé nyɛ́nɛ̀ĩ̀a lɛ́ ɓe. Lɛ́ɛ̀ yi zɛ bĩ́míà, áà wɛ̀lɛ̀ làapíé. Ƃúa kpù áà zɔ̃̀ɔ̃̀, áà ɓɔ̀. Kɛɛ zí è kɛ̀áa, gɔ̃́ɛɛ làá dɔ.

Mi nɔ́ɔ fé lɛ́ à tóó è wɔ̃́ maa, è e tóó dɔ.”