Popular Bible Verses from Ìfísɔ̃̀ 6

Share

Ƃii ko wá gèlè gɔ̃pìà mia gbunu ká. Kɛɛ kóò gèlè gɔ̃ pɛ yɔɔ vɔ̀ kù lɛ́ o lɛ̀ séĩ́ mɔ̀ lɛ̀ía ká. O lɛ́ o kélɛ̀, pɛ yí gáàa zɛ̀ wà yíkɛ̀ gáàa nì, ɛ̃́ɛ̃́ zeĩ́, mia lɛ́ o kpóṹ là zèe líé-sí-mìà ká lúó lɛ́ bĩ́ míì lɛ à ká e kéa káa.

Kà sɛ̀nɛ ɓo kɛɛ Wálà é gbũ ka mɔ̀ wɔ̃́ e kéa séĩ́ kɛɛ̀ yí. Kà sɛ̀nɛ ɓo lúó séĩ́ ká yé Gɛ̀ɛ̀ Púlú aà kɛ ka píéa ká. Wɔ̃́ e kéa mɔ́ɔ̀ wɔ̃̀ mɔ̀ɔ, kà yà ka nyìɛ́, yékɛ̀ ká kɔ̃́ zi mɔ̀. Kà sɛ̀nɛ ɓo teele Wálà là mia nì séĩ́ mɔ́ɔ̀ wɔ̃̀ mɔ̀.

Kà gèlè-gɔ̃-pɔ̀ɔ̀ séĩ́ lɛ́ Wálà à nɔ ka lɛ̀ɛ kɛ ka mɔ̀, kɛɛ bɛ̀i é kɛ ka mɔ̀ ká tó dɔ̀á ka dɔ̀lɔ̀ mɔ̀ yé Dɛ́ɓò zì kpàlà-kpáláa aà nuá ka mɔ̀ɔ ká.

À mɔ́ɔ̀ wɔ̃̀ mɔ̀ɔ, kà Wálà là gèlè-gɔ̃-pɔ̀ɔ̀ sí. Yé aà kɛ kília, yé lúó yɔɔ aà nua, bɛ̀i lɛ́ɛ̀ lo kɛɛ̀ ka mɔ̀ kɛ ká dɔ ka dɔ̀lɔ̀ mɔ̀ gɛ̃ĩ le, káà gèlè gɔ̃̀. Ɛ́ɛ̃́ yé gèlè e kília kaà nyɛ à gɔ̃ɔ̃̀ mɔ̀ɔ, káà lo kɛɛ̀ tĩã́ dɔ̀á ka dɔ̀lɔ̀ mɔ̀.

Lúó séĩ́ káa, kà lo zò-dɔ̀à-mɔ̀ ká, kɛ é kɛ pɛ lɛ́ è lo gèlè-gɔ̃-làà tèáà nù ka mɔ̀ pìàa ká. Yé aà kɛ ka kɛ̀lɛ̀ɛ, bɛ̀i lɛ́ɛ̀ lo kɛɛ̀ ka mɔ̀ kɛɛ ká kĩ̀ã̀-wɛ́lɛ́ séĩ́ lɛ́ tíé lɛ à lé, lɛ́ Kɛ-pɛ̀ Yɔɔ Kɛ-mì à dùò áà nù ka mɔ̀ɔ, númíì à ká. Kà la-ɓo sí, ká yà ka wĩĩ́ ka zì gèlè-gɔ̃ gbàlá ká. E bɛ̀i, kà Wálà lé-wè sí, é kɛ gèlè-gɔ̃-làà lɛ́ Gɛ̀ɛ̀ Púlú à nɔ ka lɛ̀ɛ ká.

À mɔ́ɔ̀ wɔ̃̀ mɔ̀ɔ, kà dɔ ka gã̀ mɔ̀. Sɔ-là-ɓɛ̀lɛ̀ lɛ́ è lo kɛɛ̀ dɔ̀á ka gbĩĩ́a, è kɛ wánà-wɔ̃̀ ká. Kà wɔ̃́ kɛ̀ kpeĩ zì dà ka mɔ̀, kɛ é kɛ ka zò-là bĩ̀ĩ̀-pɛ̀ ká. Ka dìè pɛ̀ lɛ́ kà kɛ̀, kɛɛ ká ló wɔ̃́ làṹ yiè lɛ́ à gbɛ̃̀ɛ̃̀ lɛ zò-yà-gé mɔ̀ɔ gèeèa, è kɛ ka gã̀-mɔ̀-bàá ká.

Kɛɛ wɔ̃́ɔ líé-nyɛ-mɔ̀ lɛ́ e kélɛ̀, kà ka zì yíkɛ̀ gágà mɛ́ kɛ é kɛ gágà ko Dàa-mì yí zàá, à zì yíkɛ̀ gáàa mɛ́ gágà zɛ̀ ɓɛ kolo là.

“Ì ɓɛ̀lɛyà nɔ i dàa wà i lèe o lɛ̀ɛ.” Lɔ́ɔ̀ɔ yé e kéa lɛ́ e lɔ́ɔ̀ lɛ́ wè-dɔ-wè tóò lɛ à píéa bèĩzɛ̀ káa. Ye lɛ́ e kélɛ̀, “kɛ pɛ séĩ́ é kɛ i mɔ̀ sɛ̀, ɛ̃́ɛ̃́ kɛ í yìì fɛ̃̀ɛ̃̀ kpóṹ làa.”

Nɔ́ɔ̀ɓé, ka bɛ̃̀ɛ̃ kà wɔ̃́ ma ka mìà nì wè là ko Dàa-mì yí zàá, ɓii lɛ wɔ̃́ kɛ-zì kpeĩ ká kɛ ká kɛá kíli.