Popular Bible Verses from Ìfísɔ̃̀ 4

Share

Kɛɛ ka sɔ̃̀ɔ̃ è kɛ sɛ̀ ka kíe nì ká. Ka zò è kɛ yéĩ̀zɛ̀ ka ɓɛ́ĩ̀ nì mɔ́ɔ̀ wɔ̃̀ mɔ̀. Ɛ́ɛ̃́ kà kã́ ka ɓɛ́ĩ̀ nì kɛ-wɔ̃̀ mɔ̀, káà kàà tã́ã̀, lɛ̀ zí Wálà e kã́ à ká ka zì kɛ-wɔ̃̀ mɔ̀, áà kàà à ká tã́ã̀ Kɛ́lɛ̀ì yí zàáa lɛ́ ɓe.

Kà ka dìè sí péĩ́, káà ka kpóló kpɔ̀ ka mɔ̀, ɛ̃́ɛ̃́ kà kɛ zò-kũ̀-gé zɛ̀ teele. Ka kíe nì lɔ̀ è kpɔ́ ka mɔ̀ ka kíe nì kɛ-wɔ̃̀ kàà ka píé ká.

Yékɛ̀ ká wéé yɔɔ gèe. Kɛɛ kà kɛ wéé yiè lɛ́ lɛ gbũ̀-mɔ̀ zɛ̀, lɛ́ è mia mɛ́ kɛ̀ gágà, tó áà pɛ lɛ́ lɛ mia mɔ̀ ó sɔ̀lɔ̀ ɓoa nɔ̀ɔ gèe-mìà ká. Zí e kéa káa, wɔ̃́ lɛ́ ka gèea, lɛ́ɛ̀ lo wɔ̃́ yiè kɛɛ̀ mia lɛ́ o ka wéè maa lɛ̀ɛ.

Ka zò è tèá kɛ̀ nyɔ́ɔ̀ɔ ká. Ɛ́ɛ̃́ ka kɛ̃̀ĩ̀ è tèá wì ka zò píé mɔ̀. E bɛ̀i, yékɛ̀ wɔ̃́ é ka wàa. Yékɛ̀ ká gbɛ́ɛ́ gbaa mia là. Ɛ́ɛ̃́ yékɛ̀ ká lé-kã́ kɛ. E bɛ̀i, yékɛ̀ ka zò é sìè ka gé zi nɔ́ɔ fé ká.

Wɔ̃́ é ka wàáa, yékɛ̀ ká tó wɔ̃́à-wàa-kɔ̀ e kília é ló ka ká kɛ-wɔ̃̀ yɔɔ yí. Yékɛ̀ ká tó wɔ̃́à-wàa-kɔ̀ é tó ka yí, nyɛ́nɛ́ é ló à ká. Yékɛ̀ ká lúó lɔ́ɔ́-lɔ̀ɔ̀ nɔ Dɛ́ɓò lɛ̀ɛ.

À mɔ́ɔ̀ wɔ̃̀ mɔ̀ɔ, kà mi lɛ́ ka kɛ à ká bèĩzɛ̀, lɛ́ e ka kɛ káà yìì lɛ̀ zí kà yìì mɔ́ à káa, kà ɓo ka mɔ̀. Mi lɛ́ ka kɛ à ká bèĩzɛ̀ɛ, wɔ̃́ kɛ-lɔ̀ lɛ́ e kɛ à kɛpìà, ɛ̃́ɛ̃́ áà à bèkɛ̀ ɓòa, e kɛ à yí sìèpìà. Lɛ à mɔ̀ ka zò wà ka zì yɛ́lɛ́-táá kɛɛ̀ é kɛá dɛɛ kpó-kpó ɓo. Lɛ à mɔ̀ ká mi dɛɛ lɛ́ kaà kɛ gbaa à káa, dà ka mɔ̀. Mí e kília à kɛɛ̀ lɛ nɔ́ lɛ̀ Wálà lɛ́ ɓe. Lɛ wɔ̃́ kpeĩ wà wɔ̃́ púlú kɛ-mì ká. Kɛ̀ɓe wánà zɛ̀ɛ lɛ́ ɓɛ.

Kà dɔ gágà ká kɛ ká ka kɛ̀ doó lɛ́ Gɛ̀ɛ̀ Púlú à nɔ ka lɛ̀ɛ, kɛ ká ka nyìɛ kɛ à mɔ̀. Gɛ̀ɛ̀ Púlú lɛ́ɛ̀ kɛ̀ doó e kília nɔ zò-yà-gé lɛ́ è ka nɔ̀ɔ̀ ka kíe mɔ̀ɔ kolo là zàá.

Mí e nɔ̀-lɛ̀ɛ-pɛ̀ nɔ mia lɛ̀ɛ kília, lɛ́ e à káa. E mia gbṹũ̀ sí kɛ ó kɛ àpɔ́sɔ̀lɔ̀ vɔ̀ ká, ɛ̃́ɛ̃́ kɛ mia dò bɛ̃̀ɛ̃ ó kɛ dɔ̀-Wálà-lé-là-mìà ká. Ɛ́ɛ̃́ zeĩ́, e mia dò bɛ̃̀ɛ̃ sí kɛ ó kɛ wɔ̃́ làṹ yièa gèe-mìà ká. Zéniía, e mia dò bɛ̃̀ɛ̃ sí kɛ ó kɛ nyìɛ-kɛ̀-ɓáá-mɔ̀-mìà wà pɛ-zɔ̃̀ɔ̃̀-mìà ká. E wɔ̃́ e kília kɛ kɛɛ é Wálà-mìà pɛ̀ kɛ Wálà yɛ̀ɓo kɛɛ̀ mɔ́ɔ̀ wɔ̃̀ mɔ̀, kɛ Kɛ́lɛ̀ì gbĩ-kpàla mɛ́ é kɛ gágà. Zí e kéa káa, ko séĩ́ kóò lo nuù ko kíe là kɛ kó kɛ doó. Ko zì zò-dɔ̀à-mɔ̀ wà ko zì wɔ̃́ lɛ́ kò yí dɔ Wálà Gbe gbĩ mɔ̀ɔ, lɛ́ɛ̀ lo kɛɛ̀ doó. Kóò lo kɛɛ̀ mia mɛ́ kpálàa zɛ̀ ká. Kóò lo ɓɔɔ̀ lɛ̀ kpó-kpó lɛ́ Kɛ́lɛ̀ì zì kɛ̀-gbèĩ-kɔ̀ tèáà lɛ yía mɔ̀.

Yé aà kɛ gbaa kília, kòó ló kɛɛ̀ nɔ́ɔ̀ɓé ká gbaa. Mɛ̀ĩ́ lɛ̀ɛ́ ló ko bìnì, ɛ̃́ɛ̃́ fã̀ã̀ lɛ́ è go zi gbɛɛ̀ gbɛɛ ká, lɛ́ e kélɛ̀ pɛ lɛ́ mia bèkɛ̀-ɓo-mìà ò zɔ̃̀ɔ̃̀ɔ, lɛ̀ɛ́ ló ko pìè kɛ é ko ɓo ko dɔ̀lɔ̀ mɔ̀. Míá o kília lɛ́ o mia lɛ́ ò mia líé si wáà lò o ká nɛ̀-wɔ̃̀ píé yɛ̀ì-yɛ́í lɛ́ wa nyáá pá e kíe mɔ̀ o dìè lɛ̀ɛ káa. Kɛɛ lɛ à mɔ̀ kɔ́á fàa zi séĩ́ ká, kɛɛ kɔ̀à Kɛ́lɛ̀ì lɛ́ e ko wũ káa, kò ye nì kó kɛ doó. Kóò à kɛ̀ kíli wánà-wɔ̃̀ gèeè ká lɔ̀-kɛ̀à-mɔ̀ yí.