Popular Bible Verses from Apocalipsis 11

Share

Chi bcuidx ni rac gadz de ánglɨqui trompet ni caany, chiy diipguilliú bíeny rsee de ni gunii llayabaa: Abdzɨny dxi ni yáan irate guelrnabee xte lo guɨchliu laznaa Xtadnɨ Dios ne Jesucrist ax laany inabeeny iduibtiampte ne par chazy.

De bɨnguɨchliu bdxiichdeb, per abdzɨny dxi ni iliuubiu guelnadxiich xtenbiu. Abdzɨny dxi ni gúnbiu guelgurtisy de bɨnguty par ideedbiu ni riáld icáa de xpɨnbiu ni bteed xtiidxbiu ne ni riáldza de ni reldilaaz xtiidxbiu. Abdzɨny dxi ni zeclɨ de guroo ne de bichiin ni ráp didxdoo laabiu icáadeb ni riálddeb, chiy initlobiu de ni run mal lo guɨchliu.

Chiy nare ixiaalda tiop xpɨnnia ni inii pur nare. Iroptedeb gacudeb lady ngas, ne laadeb iniideb xtiidxa par chon iz iruld.

Per chi abialo chon dxi iruldqui, Dios sbánny de bnietqui ax zestedeb ne irate de ni iniá ziy quesentiand idxibdeb.

Iropte de bnietqui napdeb guelrnabee par iseegudeb llayabaa par quɨt yab nisguia iduibte chon iz iruld ni güeedeb xtiidx Dios. Ne napzadeb guelrnabee par ichudeb nis gacni rɨny, chiy zeleeza inabeedeb gueed iralote guelzii lo guɨchliu béldtix güelt ni rcaazdeb.

Iropte de bnietqui laadebɨy iropte de yag oliv ne iropte de candliery ni zu nez lo Xtadnɨ Dios ni rnabee lo guɨchliu. Belati chúu ni rcaaz xi gunné laadeb, láani ruudeb idiia bal par quinxúdeb de ni rdxichné laadeb. Ziy xquel gaty de ni rcaaz xi gunné laadeb.