Popular Bible Verses from Jɔ̀ɔ̌n 15

Share

Mǒà Mǒ tuǒ ɛ nynaǒ pènmo bo, è amo ɛɛ beǒ ï sɔɔnʼǒ ɛ jleě měne i nynaǒ pènmo bo. Nyu wùɛ ɔ̈ miǒ Mǒo jleě mǒ nema, Ě miǒ ɔ jleě mǒ nema, è ɔ miě ɛ wɔ̀ba keǒ bɔ nu noǎ fòfoa keǒ Nyesoa mɔ̀, kɛɛ Bo seǒ mǎ, aa do a slě wɔ̀ ba nu dɛ keǒ aa chɛ̀ mɔ̀.

A neǒǒ jleě mǒ ɛ̈ di ɛɛ numa Ě miǒ a jleě mǒ ne. Bo tu baě bɛ̌ seǒ ɛɛ naǎ jleě mǒ ne, ɛ slě wɔ̀ bɛ to buo keǒ ɛɛ chɛ̀ mɔ̀, dɛɛ doǒ nɛ̀ ɛ mono, a slě wɔ̀ ba nu Nyesoaa konkwa ɛ̀ sìnʼǒ bǎ neeɔɔ̌ mɔ̀ plě.

Bɛ̌ nu bǎ neǒǒ jleě mǒ bo plě noǎà Ě boɛɛ bǐ neě a mǒ bo, è bǎ gbà dɛ wùɛ a jlɛ̌ɛ wan, Nyesoa mi ɛ a nyema.

Ɛ se amo a seǒǒ sà, kɛɛ Mǒà Mǒ sàǒ amo plě Ɔ̈ tba amo keǒ ba mu a mǐ noǎ fòfoa le nu ï mii wlɛ̀ɛba. Ně Gbeǐ mi a dɛ wùɛ nyema ɛ̈ a mii wan gbàba klě Ně nynɛ̌ wlòmo.

Mǒ noɛnoɛ fòɛ nyu wɔ̀ je bɔ kɔnʼɔ keǒ ɔɔ nenawa mɔ̀ nɛ̀ moo keǒ bɔ koǒǒ ɔɔ bǐìǒ pènmo.

Ɔ bɛ̌ ti beě wùɛǒ ïǐ too bui keǒǒ jleě mǒ, è beěǒ toee nì Ɔ snɛ̌ fǒ měne ɛ̈ di ɛɛ numa i mǐ bui fòfoa to.

È Ně tè Ě tmɛɛ̌ amoo nì moo keǒ Ě ni amoo mǒ noɛnoɛ kě ba nu měne nonoɛɛ.

Bɛ̌ nu bǎ ke noǎ fòfoa ni keǒ Nyesoa mɔ̀, è a nye Ně Gbeǐ tè jǐ boaboǎ plě a tee ɛ ɛ̈ moo a moo Ně mɔ̀ na nyo.

È kě Jùsu dɛ̌a Ɔ je, “Mǒà Ě wǒ je kàan Tu, è Ně Gbeǐ Nɔ̀ moo chèǒ ɛɛ Jǐ Mɔ̀ Tùɔ̌.

Nyu wùɛ ɔ̈ seǒ Mǒo jleě mǒ nema mu, Nyesoa mi ɔ kwa poba wòje tu baě ɛɛ̌ too, ɛ mǐ chechɛ̌, è imo beě taeǒ Ɔ mi i le bòba Ɔ̌ mǐ na tiɛ̌n Ɔ̌ mǐ i tǎn po.

Ě tmɛɛ̌ a noǎ wùɛà le ɛ̈ di ɛɛ numa chǒn mǐ a nu wòje keà chǒn ni Mǒo nunuɛ, è aa chǒn le nunuɛ mi a wun sìnma.

Bɛ̌ nu bǎ keǒ Ně teteǎà bo tùi, Ě mi a mǒ noɛɛma kaǒ, dɛɛ doǒ nɛ̀ ɛ mono, Ě tùiǒ Ně Gbeǐi teteǎ bo, ii tè Ɔ noɛɛ neě mǒ kaǒ.

È doo de, Ě tmɛɛ̌ ane, ba nonoɛɛ měne!”

Bɛ̌ nu bǎ kɔnʼɔ lě kmɔ̌ wlòmo, ɛ mii a mǒ noɛɛma wòje ɛɛ nyopò. Kɛɛ Ě po ɛ ble keǒ Boǒ sàě a kmɔ̌ wlòmo, tèǒ nì kɔn tè a slě kmɔ̌ wlòmo kɔn, dɛǒ nɛ̀ kɔn tè kmɔ̌ɔ nyopò faen amo.