Popular Bible Verses from LÚU 7

Share

Faalɔ, ndo ngwálai sí í su ngáá ngé, i ngakɛ́a ngáá kɛ Ngalá ngí ngi háá ỹɔ́u bih̃i kpih̃ingí h̃úúhaalonga. Kɛ́ nuí fíli ngi háá ỹɔí ɛi ɣɛ bih̃i, ná suuhaa áá lo, ndongí áá ɣɛ maa w̃ɔ́i h̃u Ngalá fááw̃a aa ɣɛ gulo kw̃ɛ́ɛ́.” Kɛ Jísu i ɣɛa nyah̃ápoi w̃a, “Ngí í háá ỹɔítii suuhaalónga.”

Kɛ Jísu i mɔɔ ɣɛi nyah̃ápoi w̃a, “Í lángi í í h̃u í í wúmaa wongá, lí ndiilɛí h̃u.”

Kɛ i hitɛngá wumbú ya, áa wɔ́lɔ, ngaah̃ú wɔlɔ́ yɛ́i í pɛlɛ vumá Jísu gɔwɔ́i w̃a, áa maabalé ngáá wundeɣái. Kɛ i pɛlɛngá ngufema yááh̃u ɣɛmá ngáá Jísu ngáá ndaavúlungi í túba tubáni kɔwɔ́itii mba í mɔ́ɔ sɛ́ndi wulɔí vú kɔwɔ́itii ma.

Ná lɔ í kɛngɔ́ áá bɔwɔ́ yeɣéngɔ ngáá nuú kulaɣɛngɔ́ ngáá ɔ́ɔ́ vá í lóli ma. Kɛ́ nde nɔ́ɔ leí ngáá ngi lúwɔ lopoí í wálo aáva aa waló. Sífaa, laá bútei laá lɔ sóya nuu wála walaítii mbu. Laá bɛ́lɛ nɔ́ sóyaitii tɔ mbu. Aáva aá ɣɛ sí w̃ɔ́ɔ w̃a, “Lí!” Aáva ná í lí. Í ɣɛ́ sí w̃ɔ́ɔ́ w̃a, “Vá!” Aáva ná í va, ná vólu, í ɣɛ ngi lúwɔ lopoí w̃a, “Sí ɣɛ!” Aáva ná í kɛ. Ná Jísu í fái sítii mɛniní, i gɔɔlaní mba ngwala. Kɛ i votengá faŋaí wa í ɣɛ́i polu i ɣɛ ti w̃a, “Ngí ndé wú w̃a, ngeleí sí kpɛ́lɛɛ mbú, ngáá nɛ́ɛ́ nuu lɔ́ni nda ngwála ɔ́ɔ́ ɣɛ́ su kíya síí ndái ɣɛ kíli Ísulɔ yeláitii ɣele tɔ ndiiwáá.”

Táingi ná kái kái má, Jísu i nuu bíh̃iw̃aa walóni sítii seebɛ híí gɛvɛlɛ kɛvɛlɛngí í ɣɛ́i ti wa. Ná vólu, i ỹína nyɔítii tevení sítii polú í ɣɛ́i ti volú. Aáva i mɔ́ɔ mbole yeláá bih̃íw̃aa walóni. Kɛ Jísu i ti woo yápotenga, i ɣɛ ti w̃a, “A lí volú, wú nde Njɔú w̃á kɔwɔ́ato sí wa wú tɔngá ɛ́ɣɛ wú mɛ́ninga. A nde ma ngáá kɛ mbole yeláitii tiyá lɔɔ́ ỹandá lɔ, nɔɔnɔ yelái táá híya, sítii nduwu w̃aa heebɛ́ ỹɔ́u ỹɔungí í ti luwúi w̃a, nátii tiyá lɔ́ɔ mbálo mááhɔlɔ, sítii ti wolí h̃u hítɛngɔ ngá, nátii tiyá lɔ́ɔ fáa ỹɛ́ni náa, saa yeláitii tiyá lɔ́ɔ yóóɣe sái h̃u, keela woó vándai lɔɔ lé nyaani yélaitii ma.