Popular Bible Verses from Jɔ̃́ɔ́ 3

Share

Sepóɛɖé Gèɖèpɔ́ɔ̀ zi ɓóɖó-kpàà mú ɖɛ̀ɓɛ̀ǐn mìɔ jè, ɔ tò ma ɔ Dyú-gàà dyúáɖòɔ̀, ɓɛ́ nyɔǔn séín mu ɔ hwìɖǐǐ taɓaùn wɛ̃ɛ ké se mɛ́, kɛɛ wa ké sè-ná-sèɛ̀ fɛ̀ɛ̀ ɓéɖé.

Sepóɛɖé Gèɖèpɔ́ɔ̀ se ma ɔ Dyú-gààɔ̀ ɓóɖó-kpàà kɔ̃ tò, ɓɛ́ ɔ Dyú-gààɔ̀ ké ma ɓóɖó-kpàà nyɔ ɓě zaa kpɔ̃̀ìn, kɛɛ ɔ tò ma ɔ, ɓɛ́ ɓóɖó-kpàà nyɔ ɓě ké ma pó dyììn ɖé ɔ Dyú-gààɔ̀ mú.

Ké Jízɛ̀ zà ma ɖé wuɖu, ké ɔ ɖá, “Ḿ cɛ̃ m̀ jǎà gbo, nyɔ ɖò se ɖé Gèɖèpɔ́ɔ̀ kã́á-ɓòɖòɔ̀ kɔ̃ muɛ ɓɛ́ìn, ɔ sèìn ɔ wóɖó dyɛ ɖe ɖie hwɛ̀.”

“Gèɖèpɔ́ɔ̀ ní kpɔ̃̀ìn nyɔ ɓě ɓɛ́ wa taɓa ɔ Dyú-gààɔ̀ hwìɖǐǐɛɛ zaa. Nyɔ ɓě ɓɛ́ wa se ɔ hwìɖǐǐ taɓa kɛɛ, zaa ɖǎ wa kpɔ̃ nɔ̀ɔ̀, sepóɛɖé wa se Gèɖèpɔ́ɔ̀ Dyú-gàà dyúáɖòɔ̀ hwìɖǐǐ taɓa.

Kà zaa nyu nyɔǔn kpɔ̃ɔ kɛɛ kɛà kɛ̀. Ceɔ̀ ɖǎ ɓóɖó-kpàà kɔ̃ dyi, kɛɛ nyɔǔn ɖɛ̀ɓɛ̀ tíe-kpòɔ̀ mú mìɔ, ké ɔ zi ceɔ̀ dyí, sepóɛɖé wa nyu ɖɛ gbà ɓě.

Ɔ jè ɓéɖé ɓɛ́ ɔ ké ɖɛ kpa mìɔ, kɛɛ ní jè se ɓéɖé ɓɛ́ ɔ ké ɖɛ kpa.

Ké nyɔǔn séín ɓě ɓɛ́ wa nyu ɖɛ gbà kɛɛ nyɛ́ ceɔ̀ mú, ké wa se ceɔ̀ dyí dyiɛ ɓɛ́ìn, sepóɛɖé wa se mɔ́ ɓɛ́ nyɔǔn ké waà ɖɛ gbà ɓěɔ̀ dyéɖéi hwɔ̀ìn.

Nyɔ mɔ̀ nyɔ ɓɛ́ ɔ taɓa Dyú-gààɔ̀ hwìɖǐǐɛɛ ɓéɖé sè-ná-sèɛ̀ fɛ̀ɛ̀. Nyɔ mɔ̀ nyɔ ɓɛ́ ɔ se Dyú-gààɔ̀ wuɖu nyuɛɛ se fɛ̀ɛ̀ ɓéɖéɛ mu fɔɔ, kɛɛ Gèɖèpɔ́ɔ̀ dyoɖo mu ɔ kɔ̃ nììn kánáá pū.”

“Kà Mózè po zɔ̃̌ɔ̀ kà sɛɔ̀ cuɔ̀ dyéɖéín, ké ɔ ɖúɛ ma kà dyií ɖé gbǎùn-fúɖúáɔ̀ kɔ̃ɛɛ, kǎà wa ɓéɖé ɓɛ́ wa ké mɔ̄ mɔ̀à Nyɔǔn-dyùɛ̀ Dyú-gààɔ̀ kɛɛ dyií ɖú

Ɓǎɔ̀ ɖɛ̀ɓɛ̀ ɔ Dyúɔ̀ mú, ké ɔ ɖǎ ɔ ɖɛ séín xwa nyí.