Popular Bible Verses from Matéo 5

Share

Ujetiga papose ibioguéjnarique enga ca pagoyaque iji cuchárique útique. Mu arei tu ujetiga picháji goningárique enga iguíjnasórone ore tajĩcára jnese. Uacapesute arégode a chorase dírecaringuéone to. Jecute ajóyorase uágaja. Enga a uacojode ayoréo ore chimo uacapesute arégode jne enga a ore chicota uacai Dupade iji gaté to jne ome.

Uacajnui u dírecaringuéi iji erámone. Uacajnui upo guidai cuchábi uje déji cucarani ójo uje que toc ujetiga chacose re.

Udore ore uje ore áyipiedie quigode chojmára ome Dupade a ore nína raque jne. Chamáñaje a ore u jne ujetiga ore chimópise Dupade.

A ore nína raque jnese jne, udore ore uje que cucha uñeque déji ore ajéode ome Dupade uruode uje ore pésu. Uje Dupade a chátaja dapotigádode cucha aja ore jne ujetiga ore pésu.

Mu yósi tome uaque: ca ajusécho uacamajosórone, uacojo ayoréo, enga ajnórañopise udore ore gaté. Ujetiga uñéngo cho damajo uaque enga acatecãchoi Dupade ome udore gosode.

–A ore nína raque jnese jne uje ore chiraja Dupade úringai ore agutíyamáte. Chamáñaje Dupade a urasade u udore ore jnese jne gu.

A ore nína raque jne ujetiga ore chaquĩ́ra dojode ayoré ome ore ájningane ome ñane. Uje Dupade a cho dabi iji ore jne gu.

Jnusietade a ore nína raque to jne. Chamáñaje Dupade a chaquĩ́ra ore jne iji ore jnusiétigade.

A ore nína raque jne uje ore cho daba Dupade iroquéode. Dupade a cho darása iji ore jne gu.

Osõcacade a ore nína raque jne. Chamáñaje Dupade a chosõre ore to jne gu.

Anínaño uaque ujetiga uacojode ayoréo ore urúrigo gajnarécho aja uaque, ujetiga ore chopo damajóji uaque to rĩ, ujetiga ore chaguhétapo cucha ponáyone uacabai rĩ. Chamáñaje uacoyo uacaba yu gu. Mu anínaño uágome cucha gajnaréngone unojo ujeta chise uaque. Uje Dupade a tẽrája uaque jne ome uacáringane pumajo iji jnumi uné, ujetiga eso iji gaté. Mu que quene uacate go uté uje uacoyo uacaba Dupade uruode. Uje jecucha Dupade uruode atatasórone jnani bajácho ore cho daba Dupade uruode to nanique.

Áyipie pajnotágode a ore nína raque to jne uje a ore gajneque Dupade ingomei punire jne.

Uacajnui u echoi iji erámi unirisórone ore ujade. Ujetiga echoi íjnoque unéningai iji ga e úringai cucha bisideque jogadi u. A jogadi u jne ujetiga ducarãte echoi aja jnumi ga jogadi upo rĩ uje ore chuchiéjna aja jnumone.

Acãcho uágaja uacai Dupade uje déji guéode uje que iyoguérique cuse.

Ueradi u ujetiga ojnicho: "yipésu jne," jeoga "ca yipésu jne." Enga e gusu. Uje uaquẽcarane udore cucha uñane garani u Satanás gu.

Uacadúcho to uje Moisés uru cásodicáite chojninga nanique: "A uñeque chusaque dojórique ayoré edóraque jne, enga jé basa pusíga usígasṍri edo to jne. Adi jé upo rĩ ujetiga piberoque uñeque pãtarátique. Enga jé basa piberoque iberosṍri pãtarátique to jne." Mu yojningame uaque: jé ca arungu babai ome ayoré sijnátique. Quigueque uñeque a chujé baré te, enga õre baré uña tiji yui enga chujépo to rĩ.

Ujetiga bedo iji bãrachua chorei benominone aja cucha gajnaréngone ujetiga apésu, enga ajnime ¡janipe! enga ṍra. Omitigai u gu ujetiga bedóraque chojmára marínga, ca ducarãte ua aja gajño pioi jnese. Isocai jé u ujetiga bajmanai iji bãrachua upúsu bajurérigui ipesungóri. Enga be enga aquesu enga ṍraja toniñeque. Arei jé u gu ujetiga parãte uñeque atique marínga, jé ca ducarãte uñéngaja gajño pioi jnese.