Popular Bible Verses from Génesis 25

Share

Enga Pangarádejnai Dupade chajnai Rebéca icatecãraitigade ome re nanique. Enga chojninga: "Baca uaté gare ore iji bajei. A chise dínique jne jeta babode udore ore ape disi ejórigo jiépisi ore jne, mu a ore cãra daníningo ome ñane jne. Enga babode udore uje ore chetaque ñane iji bajei, a jé ore ape disi ejórigo ore isocai tu jne uje a ore chetaque ñane to jne iji daníningo. Mu babode udore uñeque ape disi ejórigo a uajadipise ore jne ome jõrai ape disi ejórigo. A babode udore base jne mu a bajai u jne ujeta doi ejoi iroquéode."

Enga Esaú catecã́ri desai Jacob enga chojninga: –Asi yu iji bãraquegode cugué edo caratacho enga yagu to. Chaguhei chejnapise yu.– (Enga jé u nanique uje ore cho Esaú i iji ãraquei enochai uje carataque gu. Enga i jé u Edom ome ore uje urui qui jé u gu ome ore.)

Mu aberé Rebéca nanique jecute abai Isaac chijóchapíse Pangarádejnai Dupade ajei údi ujetiga chisi ome ore atígome to. Enga Pangarádejnai tangaripísi Isaac icatecãraitigade nanique enga jé u uje Rebéca abi e déji ajei to.

Enga Esaú dojnóngaja dáringai urẽja, dayé uru iyiejájnane ore enga chojninga: –Bamo yu arĩ́e uje yitorási ome yiyaguhei enga que cuchárique yúringai urẽja gotique ome yu.– Mu Jacob qué nararápo rĩ enga chojninga: –Be ga asi ome baru iyiejájnane ome yu jne jeta yajneque báringai urẽja jne.– Enga jé u uje Esaú chojningame desai uruode: –Bajneque yúringai urẽja jne, enga jé ũrepise yuru iyiejájnane udojo ome ua.– Enga jé u uje Esaú chisi ome daru iyiejájnane ome desai Jacob ujetiga Jacob cho dajnéngu dayai úringai urẽja ome re.

Mu ape ejoi base to nanique mu chisa bajai ujadia taja guesi yui. Enga ore pésu dabi uté i enga i tu Jacob uje chisa darẽjai ujadia taja guesi gu, enga Jacob urui qui tu gu ome ore. Enga Isaac guejnanie sequerei e chise 60 años nanique uje Rebéca abode udore e ore base.

Ore dai Isaac irasi tu dape bajai Esaú, uje irasique dosipéode gu uje chujé enga ore tagu yugode. Jé basa ore daté Rebéca irasi tu Jacob.