Popular Bible Verses from Génesis 11

Share

Enga Dupade pésu dáyipiedie ome ore nanique enga chojninga: "Jnanione udore ore cháta raja ñane iji jnumi, enga jé chopo ore áyipiedie rĩ, chojmárapo to iji jnumi rĩ, enga jé chopo ome ore uruode rĩ, chojmárapo to rĩ iji jnumi. Jecute e ore chiro dapesudé cototé aja gaté, enga a ca toque ujetiga paquĩraque ore ome dapesudé. Mu a ca gusu ore ipesudé cototé mu a ore pésapo dáyipiedie ome dapesudode cuchadatéo uñane jne rĩ." Ga Dupade doi nanique enga catecã́ri re nanique enga chojninga: "Yicoi ga yicagoi jnumi yui enga yĩrongo ore uruode jne ome ñane enga a ore uruode cãra rome ñane jne. Enga uñeque a ca chirajápo dajõrárique uruode jne rĩ iji ñane."

Udojo quigade nanique enga ore catecã́ri ñane enga ore chojningame ñane: "Yicoi ga yipéco yoquidáidatérique jne, enga a yirógo cototé tuaté aja gaté jne enga idája iji gaté yui jne. Enga a ujnomerãque uyoque jne iji yoquidai udé jne ome yoquipesudé cototé uaté jne. Enga a jé yoquijogate jne, enga a ca toque ujetiga uñeque chajuque yóguiji ñane. Chamáñaje gajnareque ujetiga yisíco yógaja quedéjnane enga yoco jmíti, jmíti ome ñane."

Enga ore idai uté i u Babel nanique. Enga erámi unirisórone ore idai u uté jnese nanique iji taningai. Enga guidai tuté jé upúsu nanique uje Pangarádejnai Dupade chĩro ore uruode iji ñane nanique enga jé u uje que ore chirajápo uñane urúrique nanique rĩ. Pésu gu ujetiga ore jnoji dedai enga ore chisite ráguiji quedéjnane ome ñane.

Mu udojo taningai nanique uje cáma ore chisite rágaja quedéjnane enga ore uruode chojmára nanique.

Enga Pangarádejnai Dupade doi jnumi nanique ujetiga chajirápo jnanione udore ore ipesudé cototé rĩ uje qué ore chiro.

Enga jé u nanique uje Pangarádejnai Dupade chisite ore aja quedéjnane nanique enga ore cha dora tuaté cototé nanique enga ore chapo cucha pipesudode uñane rĩ uje ore pésu iji dedáidatéi tuté nanique.