Popular Bible Verses from San Marcos 14

Share

Lee nna re: —Tata xisto quia, lu nna iyába raca guelu runlu. Betsiattachi neti lo elha disa daa uyúa-ni. Ttiaca läga ria aca nu raca lasia, sinuqui nu innába cuinalu unnuhaba aca.

Gualebani, bittu gaꞌadhile. Gualnne len Tata Do Iyyabaaha qui bittu dha nu xxegüiha dhi yien le. Lebiꞌi nna gua seꞌebale uchíale, ttiaca cuerpu guele-na bittu rdana uchíana.

Neti nna gualíbatia rpea le, gaxaba lheꞌe ca yiesi seꞌe itúba yies lo yu-ni atta quixxiꞌa ca benni ca tisa quia-ni, quixxiꞌaguaba ca benni nu beni nuila-ni qui exxale benni nu benna.

Nianna re ca biꞌiniha: —Lastooa-ni nna chi rudú siꞌixxattan nna guannalu chitteba daa elhuttia loa. Ni tte gualtseꞌe. Bittu gaꞌadhile.

Laca siacabi go nna bedaxxutteba Jesús ttu ttaxtila. Dequide begüee xquixaru Tata Do Iyyabaaha, ulhaꞌattebe Benniha begüee ca biꞌini rudheti ca tisa ruleꞌe. Nianna re ca biꞌiniha: —Gualgo ben-ni. Cumu ben-ni anque cuerpu quia.

Lenla nna bedaxxuttebe ttu copa taꞌa vinu lheꞌeni. Dequide begüee xquixaru Tata Do Iyyabaaha nna betettebe copaha leni ca biꞌini rudheti ca tisa ruleꞌe. Iyába ca biꞌiniha uꞌuyacabi vinuha. Nianna re ca biꞌiniha: —Benni anque reni quia. Len benni eyaꞌan tsitsi ca tisa cubi chi begüee Tata Do Iyyabaaha len ca benni. Benni nua ilali qui lhá ca benni bittu tsia nitticana.

Jesús ráttebe ca biꞌiniha: —Iyábale udhá iquile neti nnela, cumu anába chi dia lo ca sitsi gue Tata Do Iyyabaaha atta rinne benniha re: “Neti nna uttia benni ruyú ca carneꞌeha, lania nna iyába ca carneꞌeha gatti laduba udaxxucana.”

¡Chinca gualchadha, gualtsá! ¡Ni nu utena neti las ná ca nu utticana netiha chi dana!

Jesús becabie re Pedro: —Neti nna gualíbatia rpea lu, nnela antisla erupa libe ixxá roꞌo berudi-na, lu nna chila beyonna libe bittu ridí roꞌolu gualí anca bienlu neti.