Popular Bible Verses from UMATEWU 5

Share

Kananjalo isibane asilunyekwa siqutyudelwe ngethunga; koko sixhonywa endaweni yaso, sikhanyisele bonke abasendlwini. Makukhanye ngokukwanjalo ukukhanya kwenu phambi kwabantu, ukuze bayibone imisebenzi yenu elungileyo, bamdumise uYihlo osezulwini.”

“Nina nilukhanyiso lwehlabathi. Umzi omi phezu kwentaba awunakufihlakala.

Banoyolo abo bantliziyo ihlambulukileyo, kuba baya kumbona uThixo bona!

Banoyolo abo balambela banxanelwe ubulungisa, kuba baya kwaneliswa nguThixo bona!

Ke mna ndithi kuni, zithandeni iintshaba zenu, nibathandazele abo banitshutshisayo

“Banoyolo abo bazilahlela kuThixo, kuba balawulwa nguThixo bona!

Banoyolo abo bangabaxolisi, kuba uThixo uya kuthi bangabantwana bakhe!

Banoyolo abo basezintsizini, kuba baya konwatyiswa nguThixo bona!

Banoyolo abo batshutshiswayo ngokuba besenza ubulungisa, kuba balawulwa nguThixo bona!

Banoyolo abo banenceba, kuba baya kwenzelwa inceba nguThixo bona!

“Ninoyolo nina xa bathe abantu baningcikiva ngenxa yam, benitshutshisa, bethetha zonke izinto ezikhohlakeleyo ngani bexoka. Vuyani ke, nigcobe, kuba ninomvuzo omkhulu ezulwini. Kakade babesenjenjalo abantu ukubatshutshisa *abashumayeli ababekho ngaphambi kwenu. ”

Banoyolo abo balulamileyo, kuba baya kwabelwa ihlabathi nguThixo bona!

“Niyityiwa yehlabathi nina. Ke ukuba ityiwa ithe yaphelelwa sisongo, yothiwani na ukubuyiselwa isongo sayo? Ayisenamsebenzi; kuphela kukuba ilahlwe phandle, inyathelwe ngabantu.

Njengoko uYihlo osezulwini anothando olugqibeleleyo, nani yibani ngabagqibeleleyo. ”

Uewe wenu makabe nguewe, nohayi abe nguhayi. Okugqithe koko kuvela kongendawo.”

“Nivile ukuba kwâthiwa: ‘Iliso maliphindezelwe ngeliso, nezinyo liphindezelwe ngezinyo.’ Ke mna ndithi kuni, musani ukuziphindezela kulowo unonayo. Othe wakuqhwaba kwisidlele sokunene, mguqulele nesinye.

Ukuba iliso lakho lasekunene liyakulahlekisa, lincothule ulilahle. Kukulungele kanye ukuba kutshabalale libe linye emalungwini akho, kunokuba umzimba wakho uphela uphoswe esihogweni. Nokuba isandla sakho sokunene siyakulahlekisa, sinqumle usilahle. Kukulungele kanye ukuba kutshabalale libe linye emalungwini akho, kunokuba umzimba wakho uphela uye esihogweni.”