Popular Bible Verses from Jakə 1

Share

Ngakɔnʼmje, bbo nɛ̂nje dang dang nanse a, maji karə isije kə rɔ-nəəl. Mba ə-gərəje to nɛ̂nje kə̂ aw nanje mə-kunn ləse a dda karə ə-gərəje ddəw kore wurse.

Bbo kəm-karɛ du marə dəw horose tə̂ a, maji karə n̂-duju Lubba. Lubba a karɛ̂ kəm-karɛ le. Mba Lubba aw arə nɛ̂n dəw kə mə-maji laa bbo kɔl kə dəw bba arɛ̂ nɛ̂n ang.

Ngakɔnʼmje kə̂ m-ndikise nya, maji karə ə-gərəje nɛ̂n nəənn: Maji karə dəw kâra kâra tuka mbia kə ngɔru oo nɛ̂n tar. A, n̂-pa tar kə ngɔru baa ang ddəm n̂-dda wungu kə ngɔru baa ang ddəm

A maji karə kore-wur ləse dda kula kə̂ maji tɔyn, bba karə ə-ddeeje to dəwje kə̂ maji tɔyn ddəm karə marə nɛ̂n duse ang ddəm.

Ərəje rɔse ang. Ə-ddaje kula kə tar lə Lubba bbo ooje kə mbise baa ang.

Maji arə dəw kə̂ ore wure mə nɛ̂n-nanje tə̂ dang dang, mba bbo n̂-nɛɛ̂n doo ngaâ nasə a, nâ kinga kuka. Kuka le kə̂ to təbbə kə̂ Əbbə-dəwje unn ndue ta karə dəwje kə̂ ndikeje.

Nɛ̂nje tɔyn kə̂ maji kə̂ dəw inga baa, nɛ̂n-karə-baa kə̂ maji tɔyn inje darâ ji Lubba tə̂. Ne kə̂ n̂-dda nɛ̂nje tɔyn kə̂ aw ndokoje mə dara tə̂. Ne kə̂ n̂-turu ndɔ kâra ang ddəm n̂-tuka ndil ang ddəm mba n̂-yəkə ang.

Mba bbo dəw oo tar le ngaâ dda nɛ̂n kula ang a, n̂-to ddəw kâra baa kə dəw kə̂ aa kəmɛ̂ mə nɛ̂n-koo-rɔ tə̂ ngaâ goe tə̂, nɔtu a, kəmɛ̂ le təl ike njangə baa.

Kə̂ kəm Lubba tə̂ kə̂ to Bɔjeje, dda kə Lubba tɔkɔrɔ tə̂ kə̂ nɛ̂n-yərəw ɔru ang, to kaw koo ngann-ndubbaje kə dɛnɛ̂n-ndubbaje lo-kisi ndoo tə̂ ləde ngaâ ta ngəm-rɔ ddəw kula yərəwje tə̂ kə̂ dɔ nangə tə̂ tɔ.

Bbo marə nɛ̂n nan dəw a, maji karə n̂-pa nan Lubba â nɛɛ̂ ang, mba nɛ̂n nan Lubba ndɔ kâra ang ddəm Lubba kara nan dəw ang ddəm. A nɛ̂n kə̂ aw nan dəwje, to bbo kə̂ da-rɔde tə̂ njaa ndɔrude ngaâ ərəde.

Maji karə ngokɔnje kə̂ dəwje ooeje to nɛ̂n ang dda rɔ-nəəl, mba Lubba a kundɛ̂ lo tə̂ kə̂ bo.