Popular Bible Verses from Kulaje 1

Share

A, â kingaje singa-mɔngu ddəw tə̂ lə Ndil-mə-nda kə̂ a ddee dɔse tə̂. Ngaâ â təlje to njê-tar-najije ləm mə bbe tə̂ kə̂ Jerujalɛm, dɔ nangə Jude tə̂ tɔyn, dɔ nangə Samari tə̂, ndərəng kɔyn nangə tə̂ tɔyn.»

Jeju ilade tə̂ nan: «To tar ləse ta gərə ndɔɛ̂ wase karɛ̂ ang. Mba Bɔy â ɔju ndɔɛ̂ kə karɛ̂ le ddəw singa tə̂ laa njaa.

Marə ndɔ nisi ta nɛ̂n-kusa tə̂ kə de a, nunn ndu narəde nan: «Ɔtuje mə bbe tə̂ kə̂ Jerujalɛm ang, ta ə-ngəbbəje nɛ̂n kə̂ Bɔ unn ndue ta karəse, nɛ̂n kə̂ m-pa tarɛ̂ marəse kete mban le. Jan dda dəwje batɛm maann, a sese, â kingaje batɛm Ndil-mə-nda mə ndɔje tə̂ nəənn.»

Go yo tə̂ laa a, n̂-tɔju rɔɛ̂ narəde ngaâ n̂-dda nɛ̂nje dang dang ta tɔjude to nisi kəm baa. N̂-dda tokə baann ndɔ dɔsɔ ngaâ n̂-pa tar dɔ kɔn-mbay tə̂ lə Lubba narəde.

Go tar tə̂ kə̂ Jeju pa le a, nin kəmde tə̂ naw kə darâ ngaâ mum dibbi dɔɛ̂ arə dooeje ang.

Kar tə̂ kə̂ daw daaje lo kə darâ kə go Jeju tə̂ le bbay a, kəm naan tə̂ nəənn, dingawje joo ulaje kubbu kə̂ nda ngaâ arje mbɔr njê-kaw-kulaje tə̂ le. Dingawje le paje arəjede nan: «Dəwje kə̂ Galile, mba ddi bba arje nəənn aw aaje lo kə darâ wa? Jeju kə̂ Lubba unnɛ̂ horose tə̂ aw saa kə darâ le a təl ddee tokə kaw laa kə̂ ooje nəənn.»