Popular Bible Verses from مزگینیا مەتتای 7

Share

بخوازن، دێ بۆ هەوە هێتە دان. لێ بگەڕن، دێ بینن. دەرگەهی بقوتن، دێ بۆ هەوە هێتە ڤەكرن.

چنكو هەر كەسێ بخوازیت دێ وەرگریت و یێ لێ بگەڕیێت دێ بینیت و یێ دەرگەهی بقوتیت دێ بۆ وی هێتە ڤەكرن.

ئەڤجا هەر كەسێ گوهێ خۆ بدەتە گۆتنێن من و كار پێ بكەت، ئەو وەكو مرۆڤەكێ ئاقلمەندە یێ خانیێ خۆ ل سەر كەڤری ئاڤا كری،

ئەوا هەوە دڤێت مرۆڤ بۆ هەوە بكەن، هوین ژی وێ بۆ وان بكەن، چنكو ئەڤەیە رامانا دەستووری و پەیاما پێغەمبەران.

لێ دەرگەهێ دچیتە ژیانێ گەلەك یێ تەنگە و رێكا وێ ژی گەلەك یا ب زەحمەتە و كێمن ئەوێن بسەرهەلدبن.

د دەرگەهێ تەنگ را هەڕنە ژۆر! چنكو ئەو دەرگەهێ دچیتە وێرانكرنێ یێ فرەهە و رێكا وی یا خۆشە و گەلەكن ئەوێن تێڕا دچنە ژۆر،

ئەڤجا ئەگەر هوینێن خراب دزانن دیاریێن باش بدەنە زاڕۆكێن خۆ، پا چەند مسۆگەرتر بابێ هەوە یێ ل ئەسمانان دێ تشتێن باش دەتە وان كەسێن ژێ دخوازن!

دادكرنێ نەكەن، دا هوین نەهێنە دادكرن، چنكو ب وێ دادكرنا هوین خەلكی پێ داد دكەن، هوین ژی دێ پێ هێنە دادكرن و ب وی پیڤەرێ هوین دپیڤن، دێ بۆ هەوە ژی ب وی هێتە پیڤان.

لێ هەر كەسێ گو‍‌ھ بدەتە ڤان ئاخفتنێن من و كار پێ نەكەت، ئەو وەكو مرۆڤەكێ دەبەنگە كو خانیێ خۆ ل سەر خیزی ئاڤا كری.

بۆچی تۆ زلكی د چاڤێ برایێ خۆ دا دبینی، لێ تۆ گاریتەی د چاڤێ خۆ دا نابینی؟ یان چەوا تۆ دشێی بێژییە برایێ خۆ: ‹بهێلە ئەز زلكی ژ چاڤێ تە بینمە دەرێ،› لێ ئەڤە گاریتە یێ د چاڤێ تە دا!

هشیاری پێغەمبەرێن درەوین بن، ئەوێن د كەڤلێن میهان دا دهێنە نك هەوە، لێ ئەو ژ ناڤ دا گورگێن هارن! دێ وان ژ بەرهەمێ وان نیاسن. ئەرێ ما مرۆڤ ژ ستریان تری دچنن، یان ژ قیڤاران هژیران دچنن؟

هۆسا هەر دارەكا باش دێ بەرهەمەكێ باش دەت، لێ دارا خراب دێ بەرهەمەكێ خراب دەت.

دارەكا باش نەشێت بەرهەمەكێ خراب بدەت و دارەكا خراب ژی نەشێت بەرهەمەكێ باش بدەت.

هەر دارەكا بەرهەمەكێ باش نەدەت، دێ هێتە بڕین و بۆ ناڤ ئاگری هێتە هاڤێتن.