Popular Bible Verses from مزگینیا یوحەننای 10

Share

دز ناهێت ئەگەر بۆ دزینێ و كوشتنێ و ژناڤبرنێ نەبیت، لێ ئەز یێ هاتیم دا وان ژیان هەبیت، ژیانەكا پڕ هەبیت.

ئەزم شڤانێ باش. شڤانێ باش ژی ژیانا خۆ گۆری پەزێ خۆ دكەت.

پەزێ من گوهێ خۆ ددەتە دەنگێ من و ئەز وان دنیاسم و ئەو ل دویڤ من دهێن.

ئەز ژیانا هەروهەر ددەمێ و ئەو قەت ژ ناڤ ناچن، كەس ژی وان ژ دەستێ من دەرنائێخیت.

ئەزم دەرگە‍‌ھ. هەر كەسێ ب رێكا من ب ژۆر دكەڤیت، دێ قورتال بیت. ئەو دێ هێتە ژۆر و دەركەڤیت و چەروانی بینیت.

ئەزم شڤانێ باش. ئەز پەزێ خۆ دنیاسم و پەزێ من ژی من دنیاسیت،

بابێ من یێ كو ئەو داینە من، ژ هەمیان مەزنترە و كەس نەشێت وان ژ دەستێ بابی دەربئێخیت. ئەز و باب ئێكین.»

هەروەكو باب من دنیاسیت و ئەز وی دنیاسم. ئەز ژیانا خۆ گۆری پەزێ خۆ دكەم.

كەس ژیانا من ژ من ناستینیت، لێ ئەز ژ نك خۆ دكەمە گۆری. من دەستهەلاتا هەی بكەمە گۆری و من دەستهەلاتا هەی جارەكا دی ب دەست خۆ ڤە بینم. ئەڤ فەرمانە من ژ بابێ خۆ یا وەرگرتی.»

لەوما دیسان عیسای گۆتە وان: «ب راستی ب راستی دبێژمە هەوە: ئەزم دەرگەهێ پەزی.

یێ ب كرێ هاتیە گرتن، كو نە شڤانە و پەز نە ملكێ ویە، دەمێ ئەو دبینیت گورگ یێ دهێت، پەزی دهێلیت و دڕەڤیت، ئەڤجا گورگ هێرشێ دكەتە پەزی و بەڵاڤ دكەت.

«ب راستی ب راستی دبێژمە هەوە: ئەوێ د دەرگەهی را نەچیتە د كۆتانا پەزی ڤە، لێ د رێكەكا دی را سەربكەڤیت، ئەو دز و رێگرە.