Popular Bible Verses from Shiyanso 37

Share

Ilijuva limonga uYusufu wáloota. Wáganile kivajovela avavaha vaakwe, baheene vamukhalalila kishila ulwamwandi.

Lino, uIsilaheli wámuganaga mandu uYusufu kishila avanaakwe avanji, kwa kiiva wámusavile mu wugogolo waakwe. Wámuhonela inkhansu inali yina yikogwelwe wunofu.

Leelo, avavaha vaakwe vaganile kimanya kiija, uwihaanave amugeene uYusufu kishila aveene, baheene vamukhalalila na vaalekha kilogola nawo wunofu.

UYusufu wáloota khanji, wávajovela avavaha vaakwe wáaja, “Puliisi shina naloota khanji. Naawona ilijuva, umwesi ni nondwe ishumi na yimo sikinisungamila one.”

Ndeeno, avavaha vaakwe vaava vikimufyoshela, leelo uwihaanave wáava apihiiva amaswi ago.

Shilushwali shina wávajovela wáaja, “Puliisi amalooto gina naloota. Naloota ose woona taava ku mugunda tikungula ingano na tiipinya ifilundo. Baaho naawona ishilundo shangu shayiima na ifilundo fyenyu fyashipilima ishilundo shangu, baheene fyashisungamila ishilundo shangu!”

Lino timubude, timutaaje mu lisima. Tikhamujovela uwiheesu kiija, ‘UYusufu wáliwaagwa ni nkhanu sa mu lihakha,’ baheene tikhaloleela amalooto gaakwe shina gakhava!”

Avagulaaji vala vaganile kishila pala, avamaame vamuhumya uYusufu kihuma mu lisima, vamugusa kwa Vaishimayeli kwa hela mashumi gavili. Baheene aVaishimayeli vaaluta nawo mbakha ku Misili.

Vajovelana viija, “Loleela, yula umulotaaji iyinsa.

Avavaha vaakwe pina vamwagaga kwa kutali iyinsa, vapulinkhana kimubuda.

Musikhakunulaji idanda! Shiba mumudubujise mu lisima muno, kuno ku lunyikha, leelo musikhajelaji kimupyasa.” Wávajovela ndeeno kiija, paanyuma hambi amukuluse uYusufu kwa wufiho na amutinie kwa wihaanave.