Popular Bible Verses from Marcos 11

Share

Jo̧kwaobetjö̧ yöta̧laduwakwö, Diosnö yöba̧lö akebaduwena kwomukwataduwo, Jau Diosma isabenö ötjö atebi̧ma a̧ja̧kwö ja̧bo̧, jö̧ba̧lö. Jejenö kwomukwataduwitjö̧ma akebaduwi̧ma ja̧akwo̧ Diosma.

Jejenö Diosnö kwo̧'wo̧ wana̧lö kwuju̧kwaduwo, Diosma okobe jwiinö juluwo̧, jö̧ba̧lö. Okobe jwiinö waiso̧, jö̧ba̧lö, omukwatö kwuju̧kwaduwo. Bakwo̧ jejenö omukwatö jo̧ma, Diosma okobe jwiinö waiso̧, okobe jwiinö juluwo̧, omukwatö jo̧ma Diosma pjaatakwo̧, aebi̧danö ja̧bö. Bakwo̧ jejenö omukwatö jo̧ma mö'ösa'o ja'oma 'ya̧nö ojwe nöödö okwa söibobö wei̧bi, Diosma jejenö baledinö ja̧akwo̧.

Ja̧danö, Diosnö akebaduwonö, jelo̧nö kwo̧'wo̧duwi sulinö kwomukwataduwi̧ma kakatibaduwo. Ja̧danö, ökwödö Kwabe'doduwi mölejȩbe jo̧ma ökwödö sulabenö ja̧köbaduwi̧bi söbebö loakwo̧— jö̧ba̧lijetö Jesúsma.

Ja̧danö, Jesús jö̧ba̧lijetö öba̧ja̧di̧ waisachadönöma: —Chömöledö, Diosnö kwo̧'wo̧ wana̧laduwi—jö̧ba̧lijetö—.

Ikenama jojodönö yöbawö jö̧ba̧lijetö Jesúsma: —Isabenö baikwö laebobe Dios iwenetjö: Ötjö chejuma okobe deinö böjȩnö ju̧kwadöma ötjönö aekweju, jö̧ba̧lö, laebobe. Jejenö laebijayonö ökwödöma sulabenö ja̧köbaduwobe. Ökwödö iyabidöma, kwo̧'wo̧duwi sulabenö omukwatö, balada nöinö tjimidobö webö diyabo, jö̧ba̧lö, nöinö mikwawö webö kwiyabiduwobetjö̧ ökwödöma, Dios ejuma naukwabidö iyawejudanö ichejekwa—jö̧ba̧lijetö.

Ju'wedöma Jesús abönö 'ya̧döbi, Jesús ökömanö 'ya̧döbi baikwö ösödö jwöbeba̧lijadötö: —¡Bite, Duluwo̧ baibanö icho̧nö dösödo, Dios weinökwenö!

¡Ökwödötjö ajayinö ji̧na David webö ö̧jinadanö webö ö̧jobö icho̧nö dösödo! ¡Duluwo̧nö, ju'wedötjö o̧penönö jo̧nö dösödo!— ösödö jwö̧beba̧lijadötö.