Popular Bible Verses from LUCAS 13

Share

—Jamatii queacamajanee poanijo, nobicue esecuejjanibisoneijje. Eyaya quiana huohuiaña, queahuisoneecuana enobijji nisho po-ajjajo ijjianasicaje, jamajjeya nobijjimatii poaje cuana.

Majo anipea-aiapoa oe epona eshahuamase yamijji. Dieciocho shequiajame huisotii eshahuamaseya oya epi nequisohuameejjimatii acapoquiapoa, ejjamo'aaqui'yotii oya animeecapoquiapoa. Jesosaa epona jama bamajje oya iyaacapoa oque epoejji. Oya poeajo Jesosaa jama acapoa ba'a: —Miquea eyami queapame pomee'yonaje, she. Epinei mi jjeya poaequije'yo.

Majoya Jesosaa epona oja emeya napacajeahuajo oya epi nequinana'yapoa, jjamo'piqui'yapoa. Jamajjeya ohuaya Eyacuiñajji bihuiacapoa.

Majoya becacuana joya ca'a-ama bacani cuaa, oe-ejjenei nequi jayojja, comacuanaya ma pojjajotiiya Eyacuiñajjiya ebionei ehuijo nequimeecaje. Peacuana ca queaca'anee jjabaquiani ehuijo nequi ma pojjajotiiya Eyacuiñajjiya comacuanaya oe-ejjenei nequimeecaje.

Quijje equimeseya equidojjojo nequiya esecuejjani ca'acaje'yo. Miquianaya ca esecuejo taaamajamajanequije jama ba'a: “Emeshimesenei, esecuejjani che ca'apejocue ecuana nobiquijji.” Majoya ohuaya saja-acaje jama ba'a: “Ecuea miquianaya bajjimanei, achejje poe shai quiana.”

¡Chojja de! majo pojjeama. Jamajjeya miquianaya pea-ai manoje'yo pea jjashahuabaquime mipo'yomajje miquianaja mimishijo.

Jamatii ohuaya saja-acaje cuana jama ba'a: “Ecuea miquianaya bajjima achejje poe shai. ¡Miquianaya queamimishinee jamajje queahueshatii nequi'yocue ejo!”

Jesosaa huohuipea-aicacuanapoa pea esohui jama ba'a: —¿Ae jayojja poani ma quijje Eyacuiñajjiya ojjaña huoojeacapoquianitiijo? Eyaya miquiana esohui ebameesahuajji huohuije miquianaja queaja'a ebajji ae jayojja poani. Eyacuiñajjiya ojjañacuana huoojeacapoquianitii jama poani ba'a: ma ecua dejjaa oenei eso' mostaza bajjani banacanaje oja quejo jamaya. Majoya pohua'yomajje queaquemonee tii-aonaje, pea acuicuana jama pojjeama. Jamajojoya aje cuichojjicuana anioquequiani oja aajo eja iyajji, ejomishocajji pea-ai.