Popular Bible Verses from HECHOS 4

Share

Jamajjeya chama'neinei pea Jesosa jayojja poani ese nahue'yojji epojji. Jiquio meshijo nequi chama'nei pea dejja Eyacuiñajjija huoojea ese nahue'yojji epojji— jama huohuimeya Pedrohua acapoa cuana.

Majoya aje ona ejjachichaqui anijo mimijeyoajo equi huehuahuehuapoa. Edojjoshahuapameya ojjaña ma ejjachichaqui anicacuana queaca'a pomeecapoa. Jamajjeya aje ja'anei meteamaneiya huohuicanequiapoa macuaaya Eyacuiñajjija esohui.

Jjeya miyaya bacue ecuana. Dejja etiicuaa ecuana Jesosajo mimimeejjimatii asa-acani. Jamajjeya ecuana mijo echacochacopoquijji poani esohui queapame meteamanei huohuimeesahuacue ojjañacuanahuasijje.

Yahuajonei Eyacuiñajjija huoojea dejjajo tehuecapoa cuaa jama ba'a: “Oya mei-ai equi iyajji jama poani” jamaya tehuecapoa. Miquiaaya Jesosa mei-ai jama epojji cajaa anaje. Jamatii Jesosa ma mei-ai ebionei equi iyajji nequiacani jama pea-ai poani.

Pedrohua, Juanya pea-ai esohui queaja'anee meteamaneiya huohuicani bamajje ma etii poanicuana jjashahuabaquiapoa ma beca dejjajo oya etii epojji peaja sohuihuohuijjimanei poanaje. Judío dejja etiiquianaja esohuicuana bapojjima'nei nequi oya. Jamajojoya aje jjabaneineiquicapoa cuana ojo. Ojaya eba poa Pedro, Juan pea-ai Jesosa shajja-ajjajji popoquinaje.

Jamajjeya ojjaña Eyacuiñajjija epeejjicuana jamatii queahuisonee poani oya jayojja pea-ai jjashahuabaquime pocapoa Jerusalén meshijo ba'eca. Oja aquianacuana ojayanei epojji pojjeama acapoa cuaa, peacuanaja epojji pea-ai acapoa.