Popular Bible Verses from IINDUMISO 63

Share

Thixo, ùnguThixo wam, ndiya kukuquqela kwakusasa, Umphefumlo wam unxanele wena; inyama yam iyakulangazelela Ezweni elingumqwebedu, elibharhileyo, eligenamanzi.

Ngokuba inceba yakho ilungile ngaphezu kobomi, Umlomo wam uya kukuncoma.

Ndiya kwenjenjalo ukukubonga lo gama ndihleliyo, Ndiphakamìse izandla zam egameni lakho.

Ndenjénjalo ukukhangela kuwe engcweleni, Ukuba ndibone amandla akho nobuqaqawuli bakho.

Ngokuba uluncedo kum, Ndinokumemelela esithunzini samaphiko akho. Umphefumlo wam uthene mbende nawe; Isandla sakho sokunene sindibambile.

Ndákukukhumbula emandlalweni wam, Emilindweni yobusuku ndicamanga ngawe.