Popular Bible Verses from IMIZEKELISO 16

Share

Qengqela kuYehova izenzo zakho, Zizimasèke iingcinga zakho.

Intliziyo yomntu icinga indlela yakhe; NguYehova oyalela ukunyathelakwakhe.

Linqatha lobusi amazwi amnandi, Ayincasa emphefumlweni, ayimpiliso emathanjeni.

Zezomntu izicwangciso zentliziyo; Ke yona impendulo yolwimi ivela kuYehova.

Ozeka kade umsindo ulunge ngaphezu kwegorha; Okulawulayo ukufutha kwakhe ulunge ngaphezu kothimba umzi.

Ikratshi likhokela intshabalalo; Ukuzidla kukhokela ukukhubeka.

Zonke iindlela zendoda ziqaqambile kwawayo amehlo; Ke yena umlinganisi womoya nguYehova.

Oliqiqayo ilizwi uya kufumana okulungileyo; Okholose ngoYehova, hayi, uyolo lwakhe!

Ilungile intwana encinane enobulungisa, Ngaphezu kolungiselo oluninzi olukunye nokungesesikweni.

Kukho indlela ethe tye phambi komntu, Ukanti ukuphela kwayo ziindlela zokufa.

Indoda ephendukayo ingenisa ingxabano; Nentlebi yahlula amakholwane.