Popular Bible Verses from IMIZEKELISO 11

Share

Umphefumlo osikelelayo uyatyetyiswa; Oseza ahluthise abanye, uyasezwa ahluthe naye.

Kukho ohlakazayo, aye esanda ngokwanda; Kukho nozinqandayo kokumfaneleyo, oko kube yintswelo yodwa.

Kwafika ukukhukhumala, kofika ukucukucezwa; Bunabathozamileyo ubulumko.

Kwakuba kungekho mbonisi, bayawa abantu; Usindiso lusebuninzini bamaphakathi.

Isiqhamo selungisa ngumthi wobomi; Umbambisi wemiphefumlo sisilumko.

Ohamba ehleba uhlakaza ucweyo; Ke yena omoya unyanisileyo uyayigubungela into.

Uwuphethe kakuhle umphefumlo wakhe umtu onenceba; Isijorha siyihlisele ishwangusha inyama yaso.

Okholosa ngobutyebi bakhe uya kuwa yena; Ke amalungisa aya kuhluma njengamagqabi.

Àbunyusi ubuncwane ngemini yokuphuphuma komsindo; Ubulungisa buyahlangula ekufeni.

Ingqibelelo yabathe tye iyabakhapha; Ukuphenula kwamanginingini kuyawabhuqa.

Likhonkco legolide ethatheni lehagu Inzwakazi eswele izimvo.

Isikali• esikhohlisayo singamasikizi kuYehova; Ilitye• elizeleyo lilikholo kuye.