Popular Bible Verses from Bar 12

Share

Muleke kwesisaniza n'ab'ensi enu, baitu muhinduke, nimugarurwa buhyaka omu biteekerezo byanyu, nukwo mugumye Ruhanga ebi agonza: nibyo ebirungi, ebisiimwa, kandi ebihikiire kimu.

Nahabweki bagenzi bange, nimbeesengereza habw'embabazi za Ruhanga, muheyo emibiri yanyu nk'ekyonzira ekyomiire, ekirukwera kandi ekirukusiimwa Ruhanga. Obu nubwo muba nimuramya Ruhanga omu mazima.

Mukyanganuke omu kunihira kwanyu, mugumiisirize omu mihito, musabe obutalekerra.

Mutalisingurwa obubi, baitu inywe obubi mubusinguze oburungi.

Mugonzangane nk'ab'oruganda oku bagonzangana; omu kuhangana ekitiinisa buli omu akizeho mugenzi we.

Engonzi zanyu zibe z'amazima. Munobe ekibi, mugumire ha kirungi.

Obu kiraaba nikisoboka, mwikarane na boona mu businge nkooku murukusobora.

Abagonzibwa, mutalyehorra inywenka enzigu, baitu eki mukirekere encwa ya Ruhanga; habwokuba kikahandiikwa kiti: “Okuhoora enzigu kwange, ninyowe ndihoora; MUKAMA nukwo agamba.”

Mwekambe, muleke kuba bagara, muheereze MUKAMA n'omutima ogwijwire engonzi.

Habw'omugisa ogu nahairwe, ninteererra buli omu omuli inywe, aleke kweteekerezaaho muno okukira nkooku ali, baitu ayeteekerezeho nkooku ali omu mazima, buli omu naarorra ha kwikiriza Ruhanga oku yamuhaire.

Weena anyakukora kubi, mutamuhoora nzigu, baitu muteho omutima okukora boona eki barukweta ekirungi.

Mwikale mwina omutima gumu; muleke kwekuliriza, mweteerane n'abo abataina kitiinisa, muleke kwemanyaho amagezi.

Na handi kigamba kiti: “Omunyanzigwa waawe obu arumwa enjara, muhe ebyokulya; obu akwatwa iroho, muhe ekyokunywa; habwokuba obu okora oti, oba noomusingisa omusango.”

Musabire omugisa abo abanyakubahiiga; mubasabire omugisa, baitu muleke kubakondereza. Mukyanganuke n'abo abarukukyanganuka, murre n'abo abarukurra.

Muhe abantu ba Ruhanga ebi barukwetaaga, mutangirre kandi mukunire abagenyi.

Omu mubiri gumu nkooku twinamu ebicweka bingi, kandi ebicweka ebi byona bitarukukora mulimo gumu, nukwo kiti na itwe. Noobu turaaba tuli baingi, baitu tuli mubiri gumu omu Kristo; kandi buli omu kicweka kya mugenzi we.