Popular Bible Verses from Bar 10

Share

Kakuba oyatura n'akanwa kaawe oti: Yesu aba MUKAMA, okaikiriza n'omutima gwawe Ruhanga nkooku yamuhumbwire omu bafu, alijunwa.

Omuntu aikiriza Kristo n'omutima gwe, nukwo ahikirre; kandi ayatura Kristo n'akanwa ke, nukwo ajunwe.

Nahabweki okwikiriza kuruga omu bigambo ebi tuhurra, kandi ebigambo ebi tuhurra biruga omu kurangirra Kristo.

Ebyahandiikirwe bigamba biti: “Weena anyakumwikiriza, talikwatwa nsoni.” Habwokuba tiharoho mbaganizo ha Muyudaaya n'Omugiriiki: MUKAMA ogu omu, aba MUKAMA wa boona, kandi oburungi bwe abugabira boona abamukunga. Ningira: “Weena anyakwamirra MUKAMA alijunwa.”

Kandi bbo bararangirra bata, batatumirwe? Nkooku kyahandiikirwe kiti: “Ka birungi ebigere by'abarukurangirra Amakuru Amarungi!”

Baitu abantu basobora bata kwamirra ogu ou bataraikiriize? Kandi n'okwikiriza ou batakahurrahoga? Kandi barahurra bata, hataroho murangirize?

Habwokuba omu Kristo nuho Ebiragiro bihikirizibwa, nukwo weena arukumwikiriza ahikirizibwe.