Popular Bible Verses from Mat 5

Share

Busaho muntu ahemba etaara akagijuumikira ekigega, baitu bagita ha kikondo, nukwo emulikire abantu boona abali omu nju. Ekyererezi kyanyu nukwo kimulikire kiti abantu, barole ebikorwa byanyu ebirungi, bakugize Isiinywe ow'omu iguru.”

“Inywe muli kyererezi ky'ensi. Orubuga orwombekerwe ha rusozi tirusobora kuserekwa.

Baina omugisa ab'emitima esemiire, habwokuba balirora Ruhanga.

Baina omugisa abarukurumwa enjara bakakwatwa n'iroho habw'obuhikiriire, habwokuba baliiguta.

Baitu nyowe nimbagambira nti: Mugonzeege abanyanzigwa banyu, kandi musabirege abarukubahiiganiza

“Baina omugisa abeemanya nkooku bali banaku omu mwoyo, habwokuba obukama bw'omwiguru bwabo.

Baina omugisa abanyakuteeraniza abantu omu businge, habwokuba balyetwa baana ba Ruhanga.

Baina omugisa abarukuganya, habwokuba Ruhanga alibahuumuza.

Baina omugisa abahiiganizibwa habw'obuhikiriire, habwokuba obukama bw'omwiguru bwabo.

Baina omugisa ab'embabazi, habwokuba baligirirwa embabazi.

Inywe mwina omugisa abantu obu baraabajumaga, obu baraabahiiganizaaga kandi bakabahangirra ebintu ebibi byona habwange. Musemererwe, mukyanganuke, habwokuba empeera yanyu nyingi omu iguru; nukwo baahiiganiize bati abarangi abaabandize inywe.”

Baina omugisa abaculeezi, habwokuba baligweterwa ensi.

“Inywe muli kisura ky'ensi; kakuba ekisura kihoibwamu orusa, orusa oru ruligarurwamu ruta? Kiba kitakyagasa, kisigaliire kunagwa n'okurubaatirirwa abantu.

Habweki mube bahikiriire nka Isiinywe ow'omu iguru oku ahikiriire.”

Leka ekigambo kyawe ‘Ego’ kiikale kiri ‘Ego’, rundi ‘Nangwa’ kiikale kiri ‘Nangwa?’; Ebirukukira hali ebi biruga hali Omubi.”

“Mukahurra nkooku kyagambirwe kiti: ‘Eriiso lirehwe eriiso, n'eriino lirehwe eriino.’ Baitu nyowe nimbagambira nti: mutalyeholerra enzigu. Omuntu obu araakuteeraga oruhi ha rusaya rw'obulyo, omuhindurre n'orundi.

Eriiso lyawe ery'obulyo kakuba nirikuleetereza kusiisa, liihemu olinage; haakire ofeerwe orugingo rumu orw'omubiri gwawe, kukira omubiri gwona kunagwa omu kiinongoro ky'omurro. Kandi omukono gwawe ogw'obulyo kakuba gukuleetereza kusiisa, gutemeho ogunage; haakire ofeerwe orugingo rumu orw'omubiri gwawe, kukira iwe weena kugenda omu kiinongoro ky'omurro.”