Popular Bible Verses from Yoh 19

Share

Yesu obu yamazire kunyunyuguza amarwa agasaaliire, yagamba ati; “Kihoire”; yainamya omutwe, yacwekana.

Ebi obu byahoire, Yesu amazire kumanyire kimu byona nkooku bihoire (kandi okuhikiriza Ebyahandiikirwe), yagamba ati: “Iroho lindi kubi.”

Yesu obu yarozire nyina n'omwegesebwa ou yagonzaaga beemeriire haihi, yagambira nyina ati: “Mukazi, omwana waawe ngugwo!” Kandi yagambira omwegesebwa ogu ati: “Nyoko ngugwo!” Okuruga obu omwegesebwa yamutwara omuka ye.

Obu baahikire hali Yesu, baasanga afiire ira, tibaamuhenda maguru. Baitu omu ha baserikale yamucumita icumu omu rubaju, ahonaaho haarugamu esagama n'amaizi.

Ebi bikabaho bihikirize ekyahandiikirwe kiti: “Talihendwa igufa na limu.” Kandi ekyahandiikirwe ekindi ekirukugamba kiti: “Balimurora ou baacumisire.”

Nubwo baatwaire Yesu, yagenda ahimbire omusaraba gwe, baahika omu kiikaro ekirukwetwa eky'Oruhanga, kandi omu Ruhebburaayo: Gologota.

Abaserikale baaruka ekondo y'amahwa, baagimuta ha mutwe, baamujweka orugoye rwa kahuukya