Popular Bible Verses from Yoh 14

Share

Nimbasigira obusinge, obusinge bwange nimbubaha; baitu tindukubuha ensi nkooku ebuha. Emitima yaanyu ereke kutuntura, noobu kwakuba kutiina.

Yesu yamugarukamu ati: “Ninyowe muhanda, ninyowe mazima, ninyowe bwomeezi. Tiharoho anyakuhika hali Isenyowe atarabire omuli nyowe.

“Emitima yanyu ereke kutuntura. Mwikirize Ruhanga, na nyowe munyikirize.

Baitu Omuhabuzi, nuwe Mwoyo Ahikiriire, Isenyowe ou alituma omu ibara lyange, nuwe alibeegesa byona, kandi alibaijukya byona ebi nakabagambiire.

Anyakwikiriza ebiragiro byange akabikwata, ogu nuwe angonza; kandi arukungonza, aligonzibwa Isenyowe, na nyowe ndimugonza kandi ndimweyoleka.”

Na nyowe ndisaba Isenyowe abahe Omuhabuzi ondi, aikalege na inywe ebiro byona. Ogu nuwe Mwoyo ow'amazima, abantu ou batarukusobora kujwahukirra, baitu inywe mumumanyire, habwokuba aikara na inywe kandi aliba omuli inywe.

Kyona eki muraasabaga omu ibara lyange, ndikikora, nukwo Isenyowe anyumirizibwe omu Mwana we. Kyona eki murakasabaga omu ibara lyange ndikikora.”

“Obu muraaba nimungonza, muraakwataga ebiragiro byange.

Omwa isenyowe harumu ebiikaro bingi; kakuba kitali kyo, tinakubagambiire nti: Ningenda kubateekaniriza ekiikaro.

Kandi obu ndigenda nkabateekaniriza ekiikaro, ndigaruka mbatwale nambere ndi, oku na inywe nuho mwikale.

Nukwo Tomasi kumukaguza ati; “MUKAMA wange, titurukumanya nambere orukugenda; omuhanda turaagumanya tuta?”