Popular Bible Verses from Yoh 10

Share

Omusuma taizira kindi kwihaho kwiba, kwita, n'okuhwerekereza. Nyowe nkaija zibe n'obwomeezi, kandi bube bwingi muno.

Ninyowe omuliisa murungi. Omuliisa omurungi ahayo obwomeezi bwe habw'entaama ze.

Entaama zange zihurra iraka lyange. Nzimanyire, nazo zimpondera

kandi nziha obwomeezi obutahwaho, tizirihwerekerra ebiro byona. Busaho n'omu alizinsahuraho.

Ninyowe mulyango; weena anyakuraba omuli nyowe alijunwa. Araataahaga, naaturuka kandi abone iriisizo.

Ninyowe omuliisa omurungi; mmanyire ezange, kandi n'ezange niziimmanya

Isenyowe ayazimpaire naakira boona amaani kandi busaho n'omu asobora kuzimusahuraho. Nyowe na Isenyowe tuli omu.”

Nka Isenyowe oku ammanyire, na nyowe mmumanyire; kandi mpayo obwomeezi bwange habw'entaama zange.

Busaho n'omu anyakubunyihaho, baitu nyowe mbweheerayo nyenka. Nyina obusobozi bw'okubuhayo n'obw'okubwegarurra; obusobozi obu nkabuheebwa Isenyowe.”

Yesu yagaruka yabagira ati: “Mazimakwo nimbagambira nti: Ninyowe mulyango gw'entaama.

Anyakuliisiza empeera tali muliisa mali, kandi entaama tiziri ze. Obu arora omwaga nigwija, asigaho entaama, airuka; omwaga gugwera entaama, guzirarangya.

“Mazimakwo nimbagambira nti: Ataraba omu mulyango kutaaha omu isibiko ly'entaama, baitu akatembera handi, ogu aba musuma kandi munyagi.