Popular Bible Verses from 1 Abakor 13

Share

Okugonza kugumiisiriza kandi kugira embabazi; okugonza tikugira ihali noobu kwakuba kwenyumiza; tikwehaisa kandi tikugira kiniga. Okugonza tikweserurra ebyakwo; tikubiihirwa, tikwikaza nzigu ha mutima

Okugonza kugumira byona, kwikiriza byona, kunihira byona, kugumiisiriza byona.

tikusiima ebitahikire, baitu kusiima ebihikire.

Habweki nihaikaraho bisatu: okwikiriza, okunihira, n'okugonza; baitu ekirukukira byona nukwo kugonza.

Okugonza tikuhwaho. Oburangi, bwo bulihwaho; okubaza endimi, nakwo kulihwaho; n'okumanya kulihwaho.

Noobu nkubaza endimi z'abantu n'ez'abamalaika, baitu ntaina kugonza ninsisana ekide ekirukugamba rundi enjogera ezirukujaara.

Noobu nkuba nyina obusobozi bw'okuranga ebya Ruhanga, kandi ninyetegereza ensita ze zoona, nyina n'amagezi goona; noobu naakuba nyina okwikiriza kwona okw'okwihaho ensozi kunu ntaina kugonza, tindi kantu.

Noobu naakugabira abanaku byona ebi nyinabyo, noobu naakuhayo omubiri gwange kwokebwa, kunu ntaina kugonza, tingasirwa kantu.

Obu nkaba ndi mwana naabazaaga nk'omwana, naateekerezaaga nk'omwana, naacwamuga nk'omwana; baitu obu nakuzire, naleka eby'obuto.