Popular Bible Verses from DZIPHISALEMA 119

Share

Ipfi ḽau ḽi vhonetshela hune nda tshimbila, ḽa vha luvhone nḓilani yanga.

Ipfi ḽau ndi ḓo ḽi vhulunga mbiluni yanga, uri ndi si vhuye nda u khakhela na kathihi.

Mutuka a nga swiela hani nḓila yawe naa? Ndi nga u tevhedza zwine wa amba.

Vha na mashudu vha no vhulunga nyeletshedzo dzawe, vha ḓidinela Ene nga mbilu yoṱhe.

Iwe u vhudzumbamo hanga, u tshiṱangu tshanga; ndi fulufhela ipfi ḽau.

Nṋee ṱhalukanyo, ndi kone u vhulunga mulayo wau, ndi u tevhedze nga mbilu yanga yoṱhe.

Tshingamisela mbilu yanga kha nyeletshedzo dzau, hu si kha u ḽeledza vhaṅwe.

Ndo ita zwone nda tambudzwa; zwo nngudisa zwe wa vhofha.

Zwe wa mpfulufhedzisa zwo nṋea vhutshilo, ndi zwone zwi mphumulaho miṱodzi.

Nnyendedze nḓilani ya milayo yau, ndi a i takalela!

Muṋe washu, mpfunze u tevhedza zwe wa vhofha, ndi hone ndi tshi ḓo zwi vhulunga nda ṱhaphudza.

Ndi lala ndo donola maṱo nga u ḽa mbilu; nkhwaṱhise unga wo mpfulufhedzisa.

Mulayo wau ndi u funa hani! Ḓuvha ḽoṱhe ndi elekanya wone fhedzi.