Popular Bible Verses from MARKOSI 9

Share

Yesu a ri, “Ni ri ‘Ndi tshi kona’! Zwoṱhe zwi a konadzea kha muthu a re na lutendo.”

Khotsi a ṅwana a tou ambela nṱha a ri, “Lutendo ndi nalwo, hone kha vha khwaṱhise hune lwa ṱahela.”

Musi Yesu o no dzhena nḓuni e na vhafunziwa vhawe fhedzi, vha mu vhudzisa vha ri, “Ndi mini riṋe ro kundwa u pandela iḽa thuṅwa?” Yesu a tshi fhindula a ri, “Thuṅwa dzi no nga sa hei dzi nga si pandelwe nga tshiṅwe tshithu arali i si thabelo.”

Muṋo ndi tshithu tshavhuḓi, hone wa vhuya wa fhela vhuhali hawo u sa tsha dunga, u nga dovha wa dungiswa ngani? Ivhani vho lungwaho nga inwi vhaṋe, ni pfane nga tshaṋu.”

“Ane a ṱanganedza muṅwe wa vhana havha a tshi itela Nṋe, u ṱanganedza Nṋe; ane a nṱanganedza ha ṱanganedzi Nṋe fhedzi, u ṱanganedza na o nthumaho.”

Zwino ipfani-ha: Ane a vhuya a ni ṋea maḓi a u nwa nge na vha vha Mesia ha nga kundwi u wana pfufho yawe.

“Ane a khakhisa muṅwe wa havha vhaṱoma vha mpfulufhelaho, ṱhamu yawe i ḓo fhira zwa musi o tou vhofhelelwa zwawe guyo mukuloni a poswa lwanzheni.

Arali iṱo ḽau ḽi tshi ita uri u shandukele Mudzimu, ḽi nongole! Ndi khwiṋe u dzhena muvhusoni wa Mudzimu u na iṱo ḽithihi, u fhira u poswa heleni u na maṱo mavhili.