Popular Bible Verses from MARKOSI 6

Share

Ho vha hu na vhathu vhanzhi, vhaṅwe vha tshi bva, vhaṅwe vha tshi dzhena, lwe Yesu na vhafunziwa vhawe vha kundwa na tshifhinga tsha u ḽa. Yesu a vhuya a amba navho a ri, “Nga ri ṱuwe nga tshashu uri ni wane tshifhinga tsha u awelanyana fhethu hu si na vhathu.”

Yesu a konou amba navho a ri, “Muporofita u huliswa hoṱhe-hoṱhe, fhedzi ha hawe na mashakani na muṱani wa hawe ha huliswi.”

Yesu a tshi bva tshikepeni a vhona gogo ḽihulu ḽa vhathu, a vha pfela vhuṱungu nge a vhona vha tshi tou nga nngu dzi si na mulisa. A mbo ḓi vha funza zwithu zwinzhi.

Henefho Yesu a si kone u ita maḓembe, a tou vhea vhalwadze vha si gathi zwanḓa a vha fhodza. A kanuka a tshi vhona vha tshi mu landula. Yesu a mbo ḓi tshimbila na miḓi ya henefho tsini a tshi enda a tshi funza vhathu.

Yesu a mbo ḓi dzhia iyo mikonde miṱanu na khovhe mbili a lilala a livhuha Mudzimu, a ṅwatekanya iyo mikonde a tshi ṋea vhafunziwa vhawe uri vha kovhele vhathu, a dovha a vha kovhela idzo khovhe mbili; muṅwe na muṅwe a ḽa a fura. Vhafunziwa vha ḓadza mifaro ya 12 nga zwipeḓu zwo salaho zwa vhurotho na khovhe.