Popular Bible Verses from MARKOSI 4

Share

Yesu a vuwa, a kaidza ḓumbu na magabelo uri zwi dzike, nangoho zwa mbo ḓi dzika, ha tou dzokoto. Ndi hone Yesu a tshi amba na vhafunziwa vhawe a ri, “No tshenuswa ngani? Kani ni tshee vhathu vha si na fulufhelo?”

Hone vhone vha farwa nga nyofho khulu, vha thoma u vhudzisana nga tshavho vha tshi ri, “Ndi muthu-ḓe hoyu ane a kaidza ḓumbu na lwanzhe, zwa mu thetshelesa?”

Yesu o vha o eḓela nga murahu o siamela. Vhafunziwa vha mu vusa vha ri, “Vhafunzi, nṋa a vha vhuyi vha zwi londa ri tshi khou ṱoḓa u lovha?”

Yesu a vha vhudza a ri, “Thetshelesani zwavhuḓi! Muelo une na elela vhaṅwe ngawo, na inwi Mudzimu u ḓo ni elela-vho ngawo, nahone u tshi vho fhira uḽa we inwi na ela ngawo.

Yesu a tshi isa phanḓa a ri, “Muvhuso wa Mudzimu u fana na muthu o zwalaho mbeu tsimuni yawe. Vhusiku u a ḓieḓetshela, nga matsheloni a ḓivutshela zwawe, nga ngei mutomba u tshi khou runga, wa aluwa, ene a sa ḓivhi tshi u medzaho.

“A na nḓevhe kha a ḓipfele!”