Popular Bible Verses from MATIOSI 10

Share

“Vhonani: ndi ni ruma sa nngu maṱalerwani. Zwino-ha thanyani sa dziṋowa ni ile tshimbevha sa maivha.

Ane a teledza u ṅaledza vhutshilo hawe u a ḓilozwa; ane a fela Nṋe ndi ene ane a tshila.

“Ni songo ofha vhane vha ri u vhulaha muvhili vha si tsha kona u vhulaha na muya. Ofhani Mudzimu; ndi Ene ane a kona u lozwa muya wa muthu khathihi na muvhili heleni.

Ane a sa hwale tshifhambano tshawe a ntevhela, ho ngo fanela u vha wanga.

“Ane a si ofhe u ḓibula vhathuni uri ndi wanga, na Nṋe ndi ḓo bula khoroni ya Khotsi anga wa ṱaḓulu uri uyo muthu ndi wanga. Hone ane a ḓo nndandula nga u ofha vhathu, Nṋe-vho ndi ḓo mu landula khoroni ya Khotsi anga wa ṱaḓulu.

Fhodzani vhalwadze, ni vuse vhafu, ni fhodze na vha lwalaho lukanda, ni pandele na thuṅwa dza Saṱhane. No zwi ṋewa nga fhedzi, inwi-vho ni zwi ṋee vhaṅwe nga fhedzi.

Zwenezwo ni songo ofha tshithu. Hufha ni tshi fhira ṱhongola kule.

“Ni songo ri ndo ḓela u ladza shango; a tho ngo ḓela u ladza shango, ndo ḓisa pfumo!