Popular Bible Verses from GENESI 49

Share

Luḓo lwa vhuhosi lu ḓo dzula lu tshanḓani tsha Juda, mbaḓa ya muvhusi i ḓo dzula i phanḓa hawe, ha vhuya ha swika ane zwa vha zwawe; onoyo dzitshakha dzi ḓo mu luvha.

“Josefa ndi muri u aṋwaho mitshelo, u re tsini ha tshisima, une matavhi awo a adza a tiba luvhondo. Vho faraho vhura vho rambana, vha mu vutshela vha mu posa nga misevhe.

Hone vha tshi posa vhura havho ha kundwa, zwanḓa zwavho zwa sokou oma nga Ramaanḓa wa Jakopo, nga dzina ḽa Mulisa wa Israele, Ene Bako ḽavho, nga Mudzimu wa khotsi au ane a u tika, nga Mudzimu Ramaanḓaoṱhe ane a u shudufhadza. O u shudufhadza nga mashudu a bvaho ṱaḓulu makoleni, mashudu a zwisima zwihulu zwi re fhasi, mashudu a mikando na mbebo.

“Iwe Juda, vhana vha khotsi au vha ḓo u khoḓa. U ḓo vhusa maswina au, vhana vha khotsi au vha ḓo u gwadamela. Juda ndi ndawana; ṅwananga, u ḓo bva wa yo ponda, wa vhuya; u ḓo nga ndau i tshi tumba ya shuvhama, kana ndawana: ndi nnyi ane a nga i ṱunga?

“Iwe Rubeni u tanzhe ḽanga, u nungo dzanga, u mutshelo wa u ranga wa musi ndi tshi vha munna; u vhugala ha u ranga, u maanḓa a u ranga; a u nga vhi wa u ranga, u nga muḓalo wa maḓi a sa langei; wo gonya vhulaloni ha khotsi au, wa vhu shata mashika; hoyu o gonya vhulaloni hanga.